www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Казакстан 1,6 миң мигрантты өлкөдөн чыгарды. Кыргыз жарандары кантти...

Гүлжан Шерипбаева 12-октябрь 2017, 11:08

Саясат Коом


Казакстан 1,6 миң мигрантты өлкөдөн чыгарды. Кыргыз жарандары кантти...

Казакстанда эмгектенген кыргыз жарандарына карата текшерүүлөр күч алганын социалдык тармактарга жазышууда. Муну Казакстандын ИИМи оперативдик-профилактикалык иш-чараларды өткөрүп жатканы менен түшүндүрдү. Ал эми Sputnik Кыргызстан агенттиги кыргыз мекендештер менен байланышып, ал-жайларын сурады.

Казакстандын ИИМинин мамлекеттик тил жана маалымат департаментинин башчысы Алмас Садубаев өлкө аймагында кыргыз жарандарына карата атайын текшерүүлөр жүрүп жатат деген маалыматты четке кагат. Бул тууралуу Sputnik Казакстан агенттиги билдирди. 

Маалыматка караганда, Казакстанда 4-октябрдан бери эле "Нелегал-2017" аталышындагы оперативдик-профилактикалык иш-чаралар жүргүзүлүп жаткан.

"Анын алкагында 11-октябрга карата 11,8 миң чет элдик жаран административдик жоопкерчиликке тартылды. Алардын 11 миңи КМШ өлкөлөрүнүн, калганы алыскы чет мамлекеттердин жарандары. Булардын арасынан 1,6 миң адам өлкөдөн чыгарылган", — деп айтылат маалыматта.

Мындан сырткары, чет элдик жарандарды мыйзамсыз ишке алган 420 казакстандык административдик жоопкерчиликке тартылган. Бирдиктүү реестрдин сотко чейинки иликтөөлөрүндө миграция мыйзамдарынын кылмыштуу тартибин бузган 120 учур катталган. Ошондой эле издөөдө жүргөн 28 кылмышкер кармалган. Алардын 24ү Казакстандын, төртөө КМШ өлкөлөрүнүн жарандары.

Анткен менен Казакстанда эмгектенип жүргөн кыргызстандыктар 10-октярбдан тарта катуу текшерүүлөр башталганын айтышууда.

Кыргыз-казак чек арасында кезек күтүп чубалжыган фуралардын асмандан көрүнүшү

© SPUTNIK / АКЫЛБЕК БАТЫРБЕКОВ

Кыргыз-казак чек арасында кезек күтүп чубалжыган фуралардын асмандан көрүнүшү

Тараз шаарында соода-сатык менен алектенген Бакыт Алманбетов бүгүн эртең менен саат 8:00дөр чамасында полициянын тузагына илинген.

 

"Мени эртең менен базарга келе жаткан жеримден полиция кармап автобуска салып кетти. 100дөн ашуун киши 11 саат бою Миграция кызматынын залында отурдук. Кеч киргенде документтерибизди алып калып бир-бирден коё бере баштады. Документтерди текшерип бүткөндө өздөрү чакырарын айтышты", — деди Алманбетов.

Ал ошондой эле арасында аялдар менен жаш балдар дагы бар экенин кошумчалады.

Алматыда эмгектенген Айбарчын Мусаева кечээтен бери миграция кызматынын өкүлдөрү базарларды катуу текшерүүгө алганын белгилейт.

"Кечээ биздин үйдө жашаган бир баланы кармап кетиптир. Анын документин алып калып кечинде кайра коё берген. Бүгүн документин алууга аракет кылып чуркап жүрөт. Ушуга окшогон текшерүүлөр Бажы биримдигине киргенге чейин тез-тез болуп турчу. Андан кийин токтоп калган эле. Бул жактагы кыргыздар WhatsApp группалар аркылуу бири-бирин этият болууга үндөшүүдө", — деди Мусаева.

Анткен менен Астананын "Шарын" аттуу базарында иштеген Беренбек Изабек уулу ал жакта текшерүүлөр болбогонун билдирди.

"Биздин базар тынч, рейд жүргөн жок. Бирок башка базарлар текшерилип жатаканын айтышууда", — деди Изабек уулу.

Белигилей кетсек, 10-октябрда кеч курун кыргыз-казак чек арасындагы өткөрүү пункттарында көзөмөл күчөп, жарандар жана автоунаалардын тоскоолдуксуз өтүүсүндө көйгөй жаралган. Бүгүн, 11-октябрда да абал өзгөргөн эмес

Казакстандын улуттук коопсуздук комитетинин маалымат кызматы өлкөнүн бардык чек арасында анын ичинде кыргыз-казак чек арасында дагы пландалган операция болгонун расмий билдирди.

Дагы: https://sputnik.kg/migration/20171011/1035702846/kazakstandagy-kyrgyz-zharandarynyn-abaly.html


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549