www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
ММКды каттоо мөөнөтү 10 күнгө кыскартылат

Перизат Кутманалиева 09-январь 2018, 09:17

Коом


ММКды каттоо мөөнөтү 10 күнгө кыскартылат

Массалык маалымат каражаттарын юридикалык жак катары каттоодон өткөрүүдө ашыкча бюрократиялык жолтоолуктар жоюлат. Бул багытта даярдалган «Массалык маалымат каражаттары жөнүндөгү» Кыргыз Республикасынын Мыйзамына кошумчаланып жаткан өзгөртүүлөр бүгүн, 8-январда Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин кезектеги жыйынында экинчи окууда каралып, жактырылды. 

 Анда  массалык маалымат каражаттарын каттоо мөөнөтү 10 жумушчу күнгө кыскартылары айтылат.

Талкууда депутат А.Касымалиева катталуу мөөнөтүнүн 10 күнгө чейин кыскартылып жатышы убакытты тарытып, айрым ММК үчүн ыңгайсыздыктарды жаратар-жаратпастыгына кызыкты.

Депутат Д.Бекешев, - “ММК каттоодон өткөрүү союздун убагындагы талаптардын бири. Ошондуктан, бул ыкманы колдонуунун зарылчылыгы жок”, - деген пкиирин ортого салды.

Социалдык тармактардагы ачылып жаткан баракчалардын ушул сунушталып жаткан мыйзамга канчалык деңгээлде катыштыгы бар экендигин депутат Садык Шер-Нияз тактады.

Эгер ММК арасында айрым бир каражаттар бийликке жакпай кала турган болсо, бул мыйзам долбоору аларды каттоодон четтетип, же жаап салуу үчүн манипуляциялык курал болуп калбайбы?- деген суроону депутат Н.Никитенко жолдоду.

Ошондой эле тармактык комитеттин олтурумунда «Электрондук эсептөө машиналары үчүн программаларды жана маалыматтар базаларын укуктук коргоо жөнүндөгү» мыйзамга сунушталып жаткан өзгөртүүлөр да каралып, жактырылды. Бул багытта КР Өкмөтүнө караштуу Интеллектуалдык менчик жана инновациялар мамлекеттик кызматынын төрагасы Д.Эсеналиев  баяндама жасады. Андагы айтылгандарга караганда, мыйзам долбоорунун концепциясы - электрондук эсептөө машиналары үчүн программаларды жана маалыматтар базасын иштеп чыгууга мамлекеттик контракт түзүүдө Кыргыз Республикасынын кызыкчылыктарын ылайыктуу коргонуу камсыз кылууну максат кылат деп билдирет Жогорку Кеңештин Басма сөз кызматы.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83