www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Нурлан Атамырзаев: "Уулуңдун сөзүн укчу, кейиген бир"

Камчыбек Бостон 11-март 2018, 20:19

Адабият


Нурлан Атамырзаев: "Уулуңдун сөзүн укчу, кейиген бир"

Турмуштун чыга албай көйүнөн бир,
Мээмди ой жеп келет өйүгөн бир.
Ата-Журт! Азып жүргөн араңдагы,
Уулуңдун сөзүн укчу, кейиген бир.

Бирөөмүн, катарыңда басып жүргөн,
Күү чалган күйүтүмдү жазып жүргөн.
Тирилик ташкынында азап чегип,
Суурулуп Мекенинен, азып жүргөн.

"Неге жүрөм бөтөн жерде, көрбөгөн күндү көрүп?"
"Мен сатсам болбойбу не, энчимди бөлүп-бөлүп?"
"Эртеңим не болот?" деп санааркабай,
Ой басып жүргөнүмчө жүрөк өйүп.

Ансыз да, жан кашайып, ачынууда,
Чыланып жатса каным, ачуу чынга.
Мен кантип карап турам үндөбөстөн,
Ырыскым баалуу жашыл кагаз болуп,
Бирөөнүн түшүп жатса капчыгына?

Ээй Кыргыз! Бир пикирге көнбөйлүбү,
Үлүштөп, Ала-Тоону бөлбөйлүбү!
Бир ууч топ пайдаланып кете электе,
Биз дагы бир пайдасын көрбөйлүбү!

Көөнөрбөс алтыныңды казып бүттү,
Кенчиңди чет жактарга басып бүттү!
Кемирип, келемиштей көөлөп кирип,
Кемитип, ырыскыңды ташып бүттү!

"Көпчүлүк түкүргөндө көл болот" дейт,
Ошол "көл толкуганда сел болот" дейт.
Темирдей бекем болсо ынтымагы,
Ошол эл ырыскылуу эл болот дейт.

Озоко, орт болобосо башчыларың,
Өз элин ушунча да кордойбу, не?
Өзүбүз коргобосок жерибизди,
Озголор келип бизди коргойбу, же?

Чыккыла, эл ичинде ириктери!
Түнкүсүн жарык кылчу биликтери.
Жакадан баш, бир жеңден кол чыгарып,
Бириккиле, кыргыздын жигиттери!
Кылымдап сактап келген Кыргызымдын,
Тонолуп кете электе ыйык жери!

Автор: Нурлан Атамырзаев. Москва

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83