www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Ачуу чындык менен айтканда “Абдил Сегизбаев причем тут”...

Гүлжан Шерипбаева 12-март 2018, 22:31

Саясат


Ачуу чындык менен айтканда “Абдил Сегизбаев причем тут”...

Бизде кызык окуялар эле болуп жатат. Оо-о биздин аткаминерлер өтө кыйын экен “ТЭЦ толук модернизация болуп бүттү” деп, бүтүндөй кыргыз элин, ал тургай КР президенти Алмазбек Атамбаевди алдап, лента кестирип койду. Ошентип 386 млн АКШ долларын жеп-жутуп унчукпай беттерин табактай кылып олтурат. Анысы аз келгенсип “Датка-Кеминге” берилген кытай кредитинин басымдуу бөлүгү уурдалып кетиптир. Мына сага коррупция.

Кыскасы, Кыргызстан эгемендүүлүк алгандан бери биздин бийлик кагаз жана кара сыя менен алек. Курманбек Бакиев кетсе эле баары жакшы болот деген 2010-жылдан кийин УӨ өкүлдөрү ар кайсы тарапта аңырайып калды. Бир чети ушуларды аңырайтып ар кайсы жерде калтырган Алмазбек Атамбаев туура кылдыбы деген ой кетет. Дегеним, азыр бийликтегилерин деле, камактагыларын деле түшүнүү кыйын болуп калды.

Канчалаган коррупционерлер президенттин жан-жакасында жүрсө, камакта жаткан Атамбаевдин командасы, Бектур Асанов, Абдил Сегизбаев соттогонсуп “УКМК башчысы кызматынан кетсин” деп ачкачылык жарыялады. Ачуу чындык менен айтканда “Абдил Сегизбаев "причем тут”, сот болбосо", деген суроо жаралат. Мейли, Сегизбаев кызматтан дагы кетти дейли, 5 күндөн кийин Бектур Асанов Кудай сактасын оо дүйнөгө кетип калса, кимдин шору же Кудай сактасын майып болуп калса кимдин азап тартат...Таң калычтуусу булардын акылы кыскалыгына оозуң ачылып, шилекейди жутканга үлгүрбөйсүң...

Дегеле ушул УӨ айрым мүчөлөрүнө таң каласың, жакында эле жыйналышка Роза Отунбаева келип, “эки баштуу бийликтин башын жок кылыш керек” деп, кыңкылдаса, тоңкулдаган Топчубек Тургуналиев, “мен Сооронбай Жээнбековго коррупционерлерди көзгө сайып көрсөтүп беремин”, деп айтты. Жалпак түшүнүк менен алганда эми ушул экөөн Сооронбай Жээнбеков жанына чакырып алса... Чындыгында экөөнүн “мордаларынан” ансыз деле кыргыз эли тажап турганда, булардын акылынын кимге жана президентке эмне кереги бар деген ой жаралат. 

Эмне болсо дагы кыргыз эли президенттерди кууп, эч нерсе пайда алып келбегендигине көзүбүз жетти. Андан көрө Сооронбай Жээнбековдун оорун колдон, жеңилин жерден алып, жардам берсек ошол оң. Болгону, Алмаз Шаршенович ушунча болду, өзү айткандай ээрчитип келген “акылсыздарын” четтен ээрчитип кетсе жакшы болот беле...

 Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83