www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Жумгал элинин атынан Сооронбай Жээнбековго КАЙРЫЛУУ

Камчыбек Бостон 01-апрель 2018, 14:41

Коом


Жумгал элинин атынан Сооронбай Жээнбековго КАЙРЫЛУУ

Урматтуу Сооронбай Шарипович! “Бишкек-Жумгал” жолунун абалы менен кандай өкмөт келбесин, кайсы депутаттарды шайлабайлы, ким президент болбосун сай какшап айтып келебиз. Шайлоо өнөктүгүндө эл менен жолугушууга келгенде убадалар жамгырдай жааганы менен ушул күнгө чейин жолубуз оңолуп кеткен жок. Куру убадалар, жалындуу сөздөр гана айтылып, иш жүзүндө эч бир жылыш жок. “Жумгал-Бишкек” жолу Союздун мыкты заманында салынган боюнча ушул күнгө чейин бир да жолу капиталдык ремонттон өтө элек. Кыргызстандын ички каттамы болгон соң ары бери каттоодо унааларыбыздын тамтыгы калган жок. Ага карабай элибиз бир да жолу жол тосуп же башка мыйзамсыз иштерге барбай, бийлик төбөлдөрүнүн оозунан чыккан ар бир убадаларына ишенип келет. Урматтуу президент, сиз Жумгал районуна, Чаекке болгон иш сапарыңызда 2018-жылы “Арал-Бишкек” жолу боюнча жол куруу иштери башталаарын убадалаган элеңиз. Эми быйылкы жылы да Көчмөндөр оюну өңдүү шаан-шөкөттөргө бюджеттик каражат бөлүнүп кетип, бүтүндөй бир райондун эли дагы куру жалак калабы деген кооптонуу жана тынчсыздануу менен кайрылуу жолдойбуз.

     Урматтуу Сооронбай Шарипович, сизди чарбачыл, айыл-чарбасын мыкты, тереңден билген адис катары биздин тынчсыздануубузду түшүнөт деген ойдобуз. Ушул маселеге жеке өзүңүз көз салбасаңыз жакында чечилчүдөй эмес!

Сизди терең урматтоо менен Жумгал эли

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83