www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
2017-жылы Кыргызстандан ЕАЭБ аймагына жөнөтүлгөн жашылча-жемиштин экспорту 157 млн долларды түздү

Гүлжан Шерипбаева 18-май 2018, 13:08

Саясат


2017-жылы Кыргызстандан ЕАЭБ аймагына жөнөтүлгөн жашылча-жемиштин экспорту 157 млн долларды түздү

Жогорку Кеӊештин «Республика – Ата Журт» фракциясында Өкмөттүн өлкөнүн айыл чарбасынын азыркы абалы жана аны өнүктүрүү программасы жөнүндө маалымат угулуп жатканда, депутат Умбеталы Кыдыралиев Евразия экономикалык бирлигинин 18 техникалык регламентин ишке ашыруунун жүрүшүнө кызыкты. Бул маалымат тууралуу Жогорку Кеӊештин Басма сөз кызматы билдирди.

Айыл чарба, мелиоарация жана тамак-аш өнөр жайы министри Нурбек Мурашевдин айтымында, Кыргызстан 2015-жылы ЕАЭБ курамына кирип жатканда, ЕАЭБдин 13 техрегламентин тезинен ишке ашыруу тапшырмасы берилген. «Казакстан бизге 8 лаборатория куруп бермек, бирок ал келишим ишке ашырылган жок. Ошондон улам, алардын курулушу 2018-жылдын бюджетине киргизилген», - деп, ал өткөн жылы ЕАЭБдин 8 регламенти күчүнө кирип, ал азыр иштеп жатканын кошумчалады.

Ушу тапта Бишкек жана Ош шаарларында эки ири лаборатория, ошондой эле Талас, Ысык-Көл облустарында чакан лабораториялар иштөөдө. «Базарларга жеке менчик лабораторияларды тартып, аларды аккредиттөө аракеттери көрүлүп жатат. Ал эми өздөрүнүн өндүргөн өнүмдөрүн маркировкалап таӊгактаган дыйкандарда аларды тастыктоо жаатында кыйынчылыктар деле жок. Ошондон улам, айыл чарба өнүмдөрүн ЕАЭБ аймагына экспорттоо үзгүлтүккө учурабайт деген ойдобуз», - деди ал.

Андан тышкары, буга чейин көбүнесе сүт азыктары экспорттолуп келсе, май айынан тарта жашылчалар жөнөтүлө баштаганы белгилүү болду. Мисалы, 2017-жылы жашылча-жемиштин экспорту 157 млн долларды түздү, анын ичинде 74 млн доллар көлөмүндөгү товар Казакстанга, калагы Орусияга жөнөтүлгөн.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83