www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
«Мамлекеттик мүлктү ишенимдүү башкаруу жөнүндө» Кыргыз Республикасынын Мыйзамына кол коюлду

Майрамбек Каримов 28-май 2018, 10:03

Расмий кабарлар


«Мамлекеттик мүлктү ишенимдүү башкаруу жөнүндө» Кыргыз Республикасынын Мыйзамына кол коюлду

Кыргыз Республикасынын Президенти Сооронбай Жээнбеков «Мамлекеттик мүлктү ишенимдүү башкаруу жөнүндө» Кыргыз Республикасынын Мыйзамына кол койду. Бул тууралуу маалыматты президент басма сөз кызматы билдирди.

Мыйзам Кыргыз Республикасынын Жогорку Кенеши тарабынан 2018-жылдын 19-апрелинде кабыл алынган.

Кабыл алынган Мыйзамдын максаты мамлекеттик мүлктү пайдалануунун натыйжалуулугун жогорулатуу, мамлекеттин экономикасына чет өлкөлүк жана жергиликтүү инвестицияларды тартуу, экономикалык долбоорлорду ишке ашыруу, ошондой эле квалификациялуу башкарууну уюштуруу жана мамлекеттик мүлктү ишенимдүү башкарууга өткөрүп берүү тартибин жакшыртуу болуп саналат.

Атап айтканда, мамлекетке таандык болгон чарбалык шериктердин жана коомдордун капиталдарындагы акцияларга (үлүштөргө) жана мүлктүк комплекс катары мамлекеттик ишканаларды ишенимдүү башкарууга берилчү мүлк катары аныктоо сунушталган.

Ошону менен бирге мамлекеттик мүлктү ишенимдүү башкарууга конкурстук негизде өткөрүп берүү менен катар аталган башкаруунун ыкмаларын кеңейтүү жана өнүктүрүү максатында түз өткөрүп берүү ыкмасын колдонуу да сунушталган жана субъектердин өз ара аракеттенүү учурунда жоопкерчилиги күчөтүлгөн.

Буга кошумча Мыйзамда мамлекеттик мүлктү ишенимдүү башкарууга берүүнүн тартибин кыйла так жөнгө салуучу ченемдери киргизилген, мамлекеттик мүлктү ишенимдүү башкарууга алган жактарга конкреттүү талаптар белгиленген.

Жалпысынан Мыйзам ишенимдүү башкаруунун уюштуруучусу (менчиктин ээси) менен ишенимдүү башкаруучунун ортосундагы укуктук мамилени кеңири жана так аныктоого, ошондой эле иш жүзүндө ишенимдүү башкаруу механизмин пайдаланууну кеңейтүүгө багытталган.

Мыйзам расмий жарыяланган күндөн тартып он күн өткөндөн кийин күчүнө кирет. 

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83