www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Эрдоган президенттик жана парламенттик шайлоодо жеңишке жеткенин билдирди

Перизат Кутманалиева 25-июнь 2018, 09:07

Саясат Дүйнө жүзүндө Борбордук Азия жаңылыктары


Эрдоган президенттик жана парламенттик шайлоодо жеңишке жеткенин билдирди

Түркия президенти Режеп Эрдоган бейрасмий жыйынтыктар боюнча биринчи айлампада эле жеңишке жетишкенин жана ал жетектеген “Адилеттүүлүк жана өнүгүү” партиясы парламенттик көпчүлүккө ээ болгонун билдирди.

“Калк мага президенттик жана аткаруу бийлиги үчүн жоопкерчиликти ишенип берди”, -деди 64 жаштагы Эрдоган.

Түркиянын мамлекеттик ММКлары билдиргендей, добуштардын 94% ашууну саналгандан кийинки эсеп боюнча президент Режеп Тайип Эрдоган 52,86% менен алдыда.

Анын башкы атаандашы, оппозициядагы Республикалык - элдик партиясынын талапкери Мухаррем Инже 30,75% менен экинчи, абактагы саясатчы, Элдик -демократиялык партиянын лидери Селахаттин Демирташ 7,94% үчүнчү, “Жакшы” партиясынын лидери Мерал Акшенер 7,45% добуш менен төртүнчү орунда.

Ал эми парламенттик шайлоодогу добуштардын 80%дан ашууну саналгандан кийинки эсеп боюнча Эрдогандын “Адилеттүүлүк жана өнүгүү” партиясы менен улутчул Улуттук кыймыл партиясы түзгөн “Элдик альянс” 43% менен алдыда.

Бирок оппозициячыл партиялар Эрдоган шашылыш билдирүү жасады деп эсептешип, шайлоо учурунда анын талапкерлиги үчүн үкөккө бюллетендер жапырт түрдө ташталган болушу мүмкүн деп кооптонушууда.

Эрдоган 15 жылдан бери бийликте – алгач премьер, 2014-жылдан тарта президент болгон.

Шайлоо күнү түрк полициясы “Эрдоганды социалдык түйүндөр аркылуу мазактоо” айыбы менен алты кишини кармады.

2017-жылы Конституцияга өзгөрүү киргизилип, Түркия парламенттик башкаруудан президенттик башкарууга багыт алган. Ошондон бери бул өлкөдө биринчи жолу шайлоо өттү.

Борбордук Азия жаңылыктары


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83