www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
ВИДЕО - Нариман Түлеевдин үйүн талашып, эки ортодо чыр...

Кызгалдак Жакыпова 11-июль 2018, 15:06

Саясат


ВИДЕО - Нариман Түлеевдин үйүн талашып, эки ортодо чыр...

Бүгүн, 11-июлда Бишкектин мурунку мэри Нариман Түлеевдин уулу Санжар Нариман уулунун Манас айылындагы үйүн милиция курчоого алынып,  жыйынтыгында эки тараптан келишпестик жаралды. Укук коргоочу Качкын Булатов, мындай окуяга мурдагы президент Алмазбек Атамбаевдин күнөөлүү экенин NazarNews.kgге билдирди.

"Бул бийликтин бул окуяга бүгүнкү күндө кыпындай тийешеси жок. Алмазбек Атамбаевдин буйругу менен Нариман Түлеевдин канчалаган кыймылсыз мүлктөрү чачырап кетти. Нариман Түлеев, Атамбаевге окшоп 600 долларга аттиш сатып алып, бүтүндөй ТЭЦдин ачкасын бөлүп жеп, тарых музейдеги жыгач атты 14 млн еврого сатып алды беле? Алдын ойлобогон, каалаган жерди боктоп кете берген Алмаз Атамбаевге анан буйругун аткарган сотторду, президент Сооронбай Жээнбеков бүтүндөй кызматтан айдап жок кылыш керек. Урматтуу Сооронбай Шарипович, акчага тойбогон, каалаганын каалчаган соттордун тамырын кыркыңыз дагы Нариман Түлеевдин ишине көңүл буруңуз", - деди укук коргоочу Качкынбек Булатов.

Белгилей кетсек, мурдагы президент Алмазбек Атамбаевдин буйругу менен Аида Салянова Баш прокурор болуп турганда кызматынан кыянаттык абалда пайдаланып, саясый буйрукту кынтыксыз аткарган жоруктарынын кесепетинен Нариман Түлеевдин очогу, балдарынын уясына кол салуу кайрадан башталды.

Дегенибиз, бизге жеткен маалыматтарга караганда 20-июлда Нариман Түлеевдин Манас айылы тараптагы үйү Мамлекеттик мүлктү башкаруу фондунун карамагына өтөт.  

Эсиңиздерге сала кетсек, буга чейин мурдагы депутат Нариман Түлеевдин Бишкектин Киев көчөсүндө жайгашкан "Караван" соода комплекси жана "Сапат" бизнес борборун Мамлекеттик мүлктү башкаруу фондунун карамагына, "Мүлк" мамлекеттик ишканасынын балансына өтүп кеткен эле.

 Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83