www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кыргызстанды миграция таанытат

Перизат Кутманалиева 16-июль 2018, 14:42

Саясат Миграция


Кыргызстанды миграция таанытат

Кыргызстан – ЕАЭБдин ичинде эмгек миграциясынын өсүүсү токтобой уланып жаткан жалгыз өлкө. Мындай көрсөткүч Экономикалык саясат институтунун иликтөөсүндө аныкталган. Эксперттердин ырасташынча, Орусияга агылган мигранттарынын саны боюнча Кыргызстан Өзбекстан, Белоруссия, Украина жана Молдовадан кийинки 4-орунда, ЕАЭБдин өлкөлөрүнүн сап башында турат.

Ал эми ИИМдин Коомдук коопсуздук кызматынын балдар менен иштөө бөлүмүнүн башчысы Марат Сапаевдин малыматында, кылмыш кылган балдардын 80% мигранттардын балдары. Анын айтымында, 2018-жылдын алты айында 600 ашуун кылмыш иши катталса, анын 400 ашууну ата-энеси иш издеп миграцияга чыгып кеткен үй-бүлөнүн балдары.

ЮНИСЕФтин эсеби боюнча кыргызстандык  259 миң баланын ата-энеси чет элге жумуш издеп кеткен.

Мындай жан сыздаткан көрүнүш үчүн суроону жогорку бийликтегилерге, өзгөчө атамбаевдик бийликке берген туура. 2010-жылдагы төңкөрүш менен бийликке келген Алмазбек Атамбаев тыштан, айрыкча Кытайдан милларддаган долларлык насыяларды тартып келген. Бирок, келген насыялардын басымдуу бөлүгү корруцпиялык схемалар менен кайра эле огорку эшелондогу чиновниктердин чөнтөгүнө сиңип кеткени маалым болууда. Аларга карата учурда кылмыш иштери козголуп, ондогон белгилүү чиновниктер камакка алынууда. Экономикалык өнүгүү, өндүрүштүн жанданышы боюнча көрсөткүчтөр көңүл жылытпай келет. Бюджеттин тартыштыгы көбөйгөндөн көбөйүүдө. Мындай жагдай, албетте, карапайым калктын жумуш издеп чет элге агылуусуна, миграциянын өсүшүнө шарт түзбөй койбойт.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83