www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Шабдан Баатыр көчөсүн “7-апрель” кылып өзгөрткөндөр жоопко тартылышат

Айдар Нуралиев 31-июль 2018, 12:36

Саясат


Шабдан Баатыр көчөсүн “7-апрель” кылып өзгөрткөндөр жоопко тартылышат

“7-апрель көчөсүн” ишке ашыргандар жазаланышат. Соттун чечимине ылайык, Шабдан Баатыр көчөсүнүн аталышын “7-апрель” кылып которууга катышкан өкмөттүн жана мэриянын кызматкерлери жоопко тартылышат.

Буга чейин укук коргоочу Калича Умуралиева көчөнүн атын өзгөртүүдө мыйзамдар бузулганын белгилеп доо арыз менен сотко кайрылган. Ал мамлекеттик жана коомдук ишмер Турдакун Усубалиевдин ысымын шаардын көчөлөрүнүн бирине ыйгаруу боюнча коомдук сунушту шаардык бийлик мораторияге шылтап четке какканын, бирок айрым бир топтордун Шабдан Баатыр көчөсүн “7-апрель” кылып өзгөртүү демилгесине макулдук бергенин билдирип, муну кош стандарттуулук жана мыйзамдын бузулушу катары белгилеген.

Чындыгында, былтыр Исхак Масалиев баштаган коммунисттер Турдакун Усубалиевдин атын борбордун көчөлөрүнүн бирине ыйгаруу демилгеси менен Бишкек мэриясына кайрылган. Ага  шаардык бийлик көчөлөрдүн аттарын өзгөртүүгө салынган мораторийге байланыштуу баш тарткан жообун берген. Андан кийин “7-апрель” көчөсүн Шабдан Баатыр көчөсүнө ыйгарууну Мээрбек Мискенбаев менен “Апрель баатырлары” коомдук уюму сунуштап, шаардык кеңеш аны шыр эле канааттандырган болчу. Жарандык коом бул демилгеге катуу каршылык кылганына жана аталган мораторийге карабай, мурунку президент А.Атамбаевдин ишараты менен бул маселе оңуна чечилген.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83