www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сахалинде кырсыктан каза болгон адам тажикстандык экени такталды

Перизат Кутманалиева 20-август 2018, 13:10

Миграция


Сахалинде кырсыктан каза болгон адам тажикстандык экени такталды

Орусиянын Сахалин облусунун Поронайcк шаарында кулап кеткен имараттын алдында калып каза болгон адам Тажикстандын жараны экени такталды. Бул тууралуу “Азаттыкка” Сахалиндеги кыргыз диаспорасынын башчысы Эшимбет Төлбаев билдирди.

Анын айтымында, калдыктардын астында калган жарандарды куткаруу иштери жүрүп жатат.

Каза болгон адам Тажикстандын жараны экен. Ал эми урандынын астында жаткан эки бала - кыргыз жараны. Алар боюнча куткаруу иштери аяктагандан кийин гана толук маалымат бере алам. Бир гана маалымат - алардын курактары 22-23 жашта экен. Баштапкы кабарларга караганда алар иштеп жаткан кезде дубал кулап кеткен, - деди ал.

19-августта Поронайcк шаарында мурдагы кагаз чыгарган заводдун чатыры түшүп кетип, бир адам каза болгон. Кырсык болгон учурда имаратта 10 кыргызстандык мигрант иштеп жатканы айтылган.

Орусиянын Өзгөчө кырдаалдар министрлигинин маалыматы боюнча, урандынын алдынан сегиз адам чыгарылып, беш киши ооруканага жаткырылган. Бейтапканадагылар кыргызстандык экени аныкталды.

Учурда Кыргызстандын Орусиядагы элчилигинин кызматкерлери бул окуя боюнча маалымат алууга аракеттенип жатышат. Каза болгон жана жабыркаган адамдардын аты-жөнү такталууда.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83