www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Израиль Ирандын жашыруун "өзөктүк кампасы" бар экенин билдирүүдө

Кызгалдак Жакыпова 29-сентябрь 2018, 14:41

Дүйнө жүзүндө


Израиль Ирандын жашыруун "өзөктүк кампасы" бар экенин билдирүүдө

Израиль премьер-министри Биньямин Нетаньяху Тегеранда Ирандын “өзөктүк кампасы” бар экенин айтты. Бул тууралуу ал Нью-Йоркто БУУнун Башкы Ассамблеясынын жыйынында сөз сүйлөп жатып билдирди.

Нетаньяхунун билдиришинче, жашыруун кампада тонналаган өзөктүк материалдар жана жабдуулар бар. Израиль премьер-министри эл аралык байкоочуларды инспекция жүргүзүүгө чакырды. Ал Европа өлкөлөрү АКШнын Иранга каршы санкцияларын колдошу керектигин белгиледи.

Буга чейин АКШ президенти Дональд Трамп ноябрдан кийин Вашингтон Иранга каршы жаңы санкцияларды киргизе турганын билдирген. Кошмо Штаттар жана Израиль мурдагы “өзөктүк келишимди” Тегеран атом бомбасын түзүү үчүн ресурстарды чогултууга жумшаган деп эсептейт. Майда Вашингтон келишимден чыгып, Иранга карата жаңы чектөөлөр киргизилерин жарыялаган. Ал союздаштарынан Ирандан мунай сатып албоону эскерткен.

26-сентябрда Башкы Ассамблеяда сөз сүйлөп жатып, Трамп Иранга каршы америкалык санкцияларды бузууну чечкен өлкөлөрдү “катаал кесепеттер” күтүп турарын эскерткен. Буга чейин Европа биримдиги Иран менен эсептешүү үчүн атайын каржы институтун түзүүгө аракет жасап жатканы кабарланган. Улуу Британия, Франция, Германия, Орусия жана Кытай өлкөлөрү Тегеран “өзөктүк келишим” шарттарын аткарып жатканын тастыктаган.

Булак: "centralasian"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83