www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Абдывахаб Нурбаев: “Баары сапаттуу билим берүүдөн башталат. Мугалимдердин айлыгы жогорулатылмайын келерки жылдын бюджетин кабыл албоо керек”

Кызгалдак Жакыпова 11-октябрь 2018, 12:47

Саясат


Абдывахаб Нурбаев: “Баары сапаттуу билим берүүдөн башталат. Мугалимдердин айлыгы жогорулатылмайын келерки жылдын бюджетин кабыл албоо керек”

Бүгүн, 11-октябрда Жогорку Кеңештин жыйынындагы “Ар кыл маселелер” саатында билим берүү системасындагы көйгөйлөр Өкмөттүн астына коюлду.

Депутат Абдывахаб Нурбаев баардык маселелер сапаттуу билим берүүдөн башталаарын айтып, мугалимдердин айлыгы жогорулатылмайын келерки жылдын бюджетин кабыл албоо керектигин баса белгиледи. Ал керек болсо айрым мамлекеттик түзүмдөрдү кыскартуу менен сапаттуу билим берүүдөгү башкы критерий болгон мугалимдердин эмгек маянасын көтөрүү зарылдыгын айтты.

Депутат Алтынбек Жунус уулу Ат-Башы районундагы Өзгөрүш айылынын тургундары “айылдагы мектептин дубалы качан кулап балдарыбызды басып калат” деген коркунуч менен жашап жатканын Өкмөткө багыттады. Маалыматка ылайык, Өзгөчө кырдаалдар министрлиги бул мектепти окууга жараксыз деп корутунду чыгарган.

Нарын районундагы Кызыл-Жылдыз айылына жаңы мектеп куруу боюнча тендер өткөрүүдө Нарын облустук Капиталдык курулуш башкармалыгы тарабынан мыйзам бузулган. Бул тууралуу депутат Алмасбек Акматовго келген айыл тургундарынын кайрылуусунда айтылат. Анда тендерге айыл өкмөт башчысы, мектеп директору жана адамдар катыштырылган эмес.

Депутат Салайдин Абдраев Алай районунун Жаңы-Алай айылында мектеп авариялык абалда тургандыгын аткаруу бийлигинин астына койду.

Тоң районунун Оттук айылындагы мектепке окуу жүргүзүүгө Өзгөчө кырдаалдар министрлиги тиешелүү корутунду чыгарып, тыюу салган. Бирок окуу жүргүзүлүп эле жатат. Бул тууралуу депутат Абдыбек Дүйшалиев маселе көтөрдү.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83