www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Тыңшоого нааразы укук коргоочулар УКМКга арызын кайра алмай болушту

Кызгалдак Жакыпова 11-октябрь 2018, 16:43

Саясат


Тыңшоого нааразы укук коргоочулар УКМКга арызын кайра алмай болушту

Укук коргоочулар тобу Улуттук коопсуздук боюнча мамлекеттик комитетке (УКМК) жазган арызын кайра алууга мажбур болуп жатышат. Бул тууралуу бүгүн “Коомдук талдоо институту” уюмунун жетекчиси Рита Карасартова билдирди.

Анын айтымында, быйыл 12-сентябрда атайын кызматка кайрылуу жиберилип, анда алар уюштурган иш-чаралардын катышуучуларынын артынан тыңшоо, аңдуу жүрүп жатканы айтылып, ошол адамдарды аныктап берүү жөнүндө өтүнүч жазылган. Мисал катары Бишкекте 27-апрелде “Коопсуздук секторуна парламенттик көзөмөл. Тажрыйбалар жана чакырыктар” деген темада өткөн эл аралык жыйында укук коргоочулардын шегин жараткан эки адамды аныктоо суранычы айтылган. Алар өздөрүн журналист катары тааныштырып, катталгандыктан ошол каттоо баракчасынын көчүрмөсү арызга тиркелген.

“УКМК биз берген тизмедеги адамдарды издеп-издебегени белгисиз, бирок ошол эксперттик жолугушууга катышкандарды бирден чакырып суракка алууга өттү. УКМКга чакырылып суракка барган адамдарда коркуу сезими пайда болуп, кайра алар бизге нараазы боло баштады” дейт Карасартова.

Ушуга байланыштуу укук коргоочулар арызын кайтарып алууну чечишти жана “кимди биздин арыз боюнча чакыра турган болсо, бизге жазып же чалып коюушуңуздарды суранабыз, УКМКга баруунун кажети жок. Болбой эле чакырта турган болушса, адвокат кошуп беребиз” деп кулактандыруу таратышты.

УКМКнын басма сөз кызматы бул боюнча азырынча расмий комментарий бере элек.

Булак: "Азаттык"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83