www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Айрым кыргыз окумуштууларынын диссертацияларынан "уурулук" чыгууда

Кызгалдак Жакыпова 16-октябрь 2018, 10:08

Илим


Айрым кыргыз окумуштууларынын диссертацияларынан "уурулук" чыгууда

Кыргызстандык окумуштуулардын диссертацияларында плагиат табылды. Илимий эмгектерди көчүрүп алууга мурдагы жана азыркы аткаминерлер дагы айыпталууда. Алар плагиат фактысын четке кагып, иликтөө жүргүзгөн орусиялык "Диссернет" уюмун алдамчы деп аташууда.

“Диссернет” 2013-жылы түзүлүп, андан бери Орусияда миңдеген илимий эмгектерге экспертиза жүргүзгөн. Иликтөөчүлөр кыргыз окумуштууларынын 600дөй диссертацияны текшерип, көчүрүп алынганын аныкташкан.

"Диссернет" парламент депутаты Акылбек Жапаровду дагы плагиатка айыптоодо. Ал мурун вице-премьерлик кызматты аркалап, каржы министрлигин жетектеген. Аны менен кошо Жапаров илимий ишмердүүлүк менен дагы алектенген: 2009-жылы кандидаттык диссертациясын жактаган.

"Диссернет" Жапаровго таандык илимий эмгектеги эки жүздөн ашуун барактын жарымы плагиат экенин билдирген. Депутат мунун четке кагып, бул 2020-жылы өтө турган параменттик шайлоо алдындагы саясий оюн экенин кошумчалаган. Ал плагиат айыптоолорунун артында атайын кызыктар кишилер бар деп эсептейт.

"Диссернеттин" негиздөөчүсү, физика-математика илимдеринин доктору Андрей Ростовцев кыргызстандык окумуштуулар диссертацияларында Орусия окумуштууларынын эмгектерин пайдаланганын ырастоодо.

– Бизде орусиялык окумуштуулардын тексттеринин баары бар. Биз алар менен өтө тыгыз иштешебиз. Программа бул тексттерге окшош, бирок Орусияда жакталбаган башка тексттерди көрүп турат. Биз карап чыктык, көрсө алар Кыргызстанда экен, – деди ал.

Жапаровдон тышкары "Диссернет" өлкөдөгү башка белгилүү окумуштуулардын эмгектеринен дагы плагиат тапкан.

Юридика илимдеринин кандидаты Клара Сооронкулованын айтымында, Кыргызстанда илимий эмгектерди жактоо жана илимий макам алуу – “балит коррупциялык саз”. Ал диссертациялык кеңеш мүчөлөрү талапкерлерден акча аларын белгилейт. Илимий даража канчалык жогору болсо, тариф дагы ошончолук кымбат.

Кыргызстанда 800дөн ашуун илимдин доктору жана 400дөй илимдин кандидаты бар.

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83