www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Жумагул Сааданбеков: “Чыңгыз Айтматов калтырып кеткен эбегейсиз бай мурас менен элибиздин рухий дүйнөсүн байытуу милдети турат”

Кызгалдак Жакыпова 19-октябрь 2018, 12:07

Адабият Саясат


Жумагул Сааданбеков: “Чыңгыз Айтматов калтырып кеткен эбегейсиз бай мурас менен элибиздин рухий дүйнөсүн байытуу милдети турат”

Бүгүн, 19-октябрда Кыргыз Республикасынын Жогорку Кеңешинде улуу жазуучу Чыңгыз Айтматовдун 90 жылдыгына арналган илимий-практикалык конференция өз ишин баштады. Иш-чарага окумуштуулар, академиктер, адабиятчылар,Жогорку Кеңештин экс-төрагалары, учурдагы парламенттин депутаттары катышууда.

Жогорку Кеңештин экс-төрагасы Абдыганы Эркебаев улуу калемгердин көсөмдүгүнө, даанышмандыгына анын өмүр-таржымалы менен дүйнөгө таанымал классикалык чыгармаларынан мисалдарды келтирди. Ошону менен катар экс-төрага Жогорку Кеңештин бир жыйынын улуу жазуучубуз Ч.Айтматовго арнап өткөрүүнү сунуш кылды.

Саясат таануу илимдеринин доктору Жумагул Сааданбеков гуманист жазуучу Чыңгыз Айтматов жашаган мезгил тарыхтын трагедияга жык толгон окуяларына туш болгондугуна тарых барактарындагы чоң-чоң окуяларды тизмектеп берди. Ж.Сооданбеков кылымдарда бир жаралган жазуучу Чыңгыз Айтматовдун теңдешсиз бир өзгөчүлүгү – ал көркөм сөздүн гана устаты эмес, улуу ойчул, философ экендигин баса белгиледи. “Ч.Айтматов бизге эбегейсиз бай мурастарды калтырып кетти. Эми элибиздин рухий дүйнөсүн ал байлыктар менен байытуу милдети турат”,-дейт ал. Мындан сырткары, илимдин доктору бүгүнкү өтүп жаткан илимий-практикалык конференцияга жогору баасын берип, мындай алгылыктуу саамалыкты салтка айлантууну сунуш кылды деп билдирет Жогорку Кеңештин Басма сөз кызматы.

Булак:NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83