www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Түркия, мигрант кыздын арманы: "Келсең бизден жакшылык күтпө" дешкен

Кызгалдак Жакыпова 20-октябрь 2018, 14:52

Миграция Маек


Түркия, мигрант кыздын арманы:  "Келсең бизден жакшылык күтпө" дешкен

Жамалдын Түркияга келип иштеп жүргөнүнө 10 жыл болду. Бутка турам деген ниетин ишке ашыра албай жүргөнүнө кейийт. Өз башынан өткөн окуясын баяндап берди.

--Саламатсызбы! Түркияга кантип келип калдыңыз?

--Атам менен апам кичинемде эле ажырашып кеткен. Ар кимдин колунда жүрүп чоңойдум. 18ге чыгайын деп калганда Түркияга кетип калдым. Бир четинен иштеп бутка тургум келди, экинчиден саякаттайм деген максатым бар болчу.

--Азыркы учурда оор абалда экенсиз. Чоо – жайын айтып берсеңиз?

--Жаңы келгенде бир айдай жакшы жүрдүм. Кудайга шүгүр, жумушум бар болчу. Кийин өзүмдөн улуу кыргыз, украинлык жана молдовалык кыздар менен таанышып, алардын чөйрөсүнө аралашып, бирге иштеп калдым. Күнүгө түнкү клубдарга барып эс алчубуз. Официанттар столубузга бекер ичимдик жана бир аз жер-жемиш коюп беришчү. Биздин максат - жасанып, клубка келген эркектерди алаксытуу. Таң атканда жанымдагы кыздар ар кайсы жигиттер менен кетишчү.

--Сизди  “бул иште иштейсиң” деп ошол кыздар же клубдун кожоюндары мажбурлаштыбы?

--Жок, өзүм тандадым. Мурунку иштеген жеримде акча аз төлөшчү. Кийин бир кемпирди бактым, жанымды кыйнагандан чарчадым. Бирок, туура эмес кылыпмын. Элестетиңиз, кылыктанып, назданып, эркекти сүйдүрчүбүз. Алар акча берип, тамак алып беришчү. Сойкулук эмес, кааласаң барасың, каалабасаң жок. Ошондо жаш экенмин (көзүнө жаш айланып), түз жүрсөм мындай абалда калбайт белем.

--Эмне болгонун кененирээк айтып берсеңиз?

--Ошентип жүрүп өзбек улутундагы жакшынакай бала менен тааныштым. Аны чындап эле сүйүп калдым. Экөөбүз 5 айдай сүйлөшүп, чогуу жашоону чечтик. Мамилеси абдан сонун болчу. Бир күнү башым айланып, өзүмдү башкача сездим. Жеке бейтапканага барып текшерилсем боюмда бар экен. Жигитиме кош бойлуу болуп калганымды айтсам, эч нерсе дебестен үйдөн чыгып кетти, ошол боюнча жоголду. Чалсам албайт, жазсам жооп бербейт. Курсактагы балам менен жалгыз калдым. Алдырайын десем акчам жок. Визам дагы бүтүп эшикке чыга албай калдым.

--Мурунку кыздарга кайра аралаштым. Алар акча чыгарып төрөгөнгө жардам беришти. Ден-соолугума кайдыгер карап жүрө берипмин, төрөгөндөн кийин доктурлар толтура ооруларды таап чыгышты. Жашым өтүп калды, айла жок минтип баламды бакканга жана өзүмдү дарылаганга акча таап жүрөм.

--Кыргызстанга кетейин деген оюңуз барбы?

--Азыр мага акча керек. Ал жакта эмне жумуш кылмак элем. Ата-энем мени менен сүйлөшпөйт. Никесиз бала төрөгөнүмдү укканда, "келсең бизден жакшылык күтпө" дешкен.  Баламды чоңойтуп алсам, мүмкүн кайтып барам.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83