www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
"Центерра Голд" Кыргызстанга эки жылдан бери дивиденд төлөй элек

Кызгалдак Жакыпова 08-ноябрь 2018, 10:35

Саясат


"Центерра Голд" Кыргызстанга эки жылдан бери дивиденд төлөй элек

"Кыргызалтын" ишканасынын жетекчиси Алмаз Алимбеков парламентте дивиденддин төлөнбөй келгенин "Кумтөр" боюнча жаңы келишимдин шарттары күчүнө кирбей жатканы менен байланыштырды.

Эки тараптын келишиминин негизинде "Центерра Голд" тапкан кирешесинен квартал сайын 3 миллион доллардан, жылына жалпы 12 миллион доллар Кыргызстанга берип турушу керек.

Өткөн аптада кыргыз өкмөтү “Центерра Голд Инк.” компаниясы менен былтыр кабыл алынган стратегиялык келишимдин шарттарын кайра кароону келерки жылга жылдырган.

“Центерра” компаниясы макулдашууну аткаруу мөөнөтү 2019-жылдын 31-январына жылганын кабарлаган. Өкмөт бул чечимдин чоо-жайы тууралуу комментарий бере элек.

Буга чейин келишимди аткаруу мөөнөтү 2-ноябрга белгиленген. Кумтөрдөгү экологиялык зыян үчүн кыргыз өкмөтү канадалык инвестор “Центерра Голдду” 2013-жылы сотко берип, 100 миллион доллар кенемте талап кылган. 2017-жылы ошол кездеги премьер-министр Сапар Исаковдун тушунда стратегиялык макулдашуу кабыл алынып, Кыргызстан доосунан кайра баш тарткан. Анын ордуна “Центерра Голд” онкологиялык тармакты жакшыртууга 10 миллион, жаратылышты коргоого 50 миллион доллар бөлүп берүүгө макул болгон.

Бул макулдашууну аткаруу мөөнөтү улам артка жылып келген.

Быйыл 14-июнда азыркы премьер-министр Мухамедкалый Абылгазиев Жогорку Кеңеште маалымат берип жатып Кумтөр боюнча соңку макулдашууда өкмөт макул болбогон маселелер бар экенин билдирген.

Булак: "centralasian"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83