www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бишкекте 2 ай мурун турмуш курган келин өз жанын кыюуга аракет кылган

Кызгалдак Жакыпова 08-ноябрь 2018, 16:33

Коом


Бишкекте 2 ай мурун турмуш курган келин  өз жанын кыюуга аракет кылган

Бишкек шаарынын Лев Толстой менен Ч.Айтматов көчөсүндөгү көпүрөгө асынып, өз жанын кыюуга аракеттенген 19 жаштагы келинди ИИМдин "Шумкар" атайын бөлүмүнүн кызматкери куткарып калды.

Маалыматка ылайык, 6-ноябрда саат 21:30 чамасында милициянын ага сержанты Нурлан Кулданбаев Лев Толстой көчөсүндөгү көпүрөнүн кырында турган келинди байкап калган. Анын ошол жерде турганы шек туудуруп, милиция кызматкери ага чуркап жеткен учурда келин ылдый карай секиргенге аракет кылып, кадам таштаган.

Ал жакын барганда келиндин мойнунда жип оролуп турганын байкаган. Милиционер аны кийминен кармап калууга үлгүргөн. Кызматкерге рота командири Улан Кыдырмаев жана анын орун басары Айбек Жумабаев жардамга келип, келинди куткарып алышкан.

Өз өмүрүнө кол салууга аракет кылган келин Чүй облусунун 19 жаштагы тургуну экени аныкталды.

Ал мындай кадамга үйдөгү уруштан кийин барганы жана болжол менен эки ай мурун эле турмуш курганы да белгилүү болду. Кызды зордоп күйөөгө беришкен. Ал күйөөсү менен жашагысы келбейт экенин ата-энесине билдирсе ал тараптан кызга колдоо болбогонун айткан.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83