www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Cадыр Жапаров - 50 жашта!

Жазгүл Урманбетова 06-декабрь 2018, 12:01

Саясат


Cадыр Жапаров - 50 жашта!

Эл ортону элүү жаш кут болсун! 1968-жылы 6-декабрда Жогорку Кеңештин депутаты Садыр Жапаров Ысык-Көл облусунун Түп районуна караштуу Кең-Суу айылында төрөлгөн. Садыр Жапаров карапайым үй-бүлөдө туулган. Ата-энеси айылда дыйканчылык менен алек болуп, 11 баланы чоңойткон.  Бала чагын Кең-Суу айылында өткөргөн эл өкүлү 9-классында Бишкек шаарындагы №1-интернатка келип окуп калат. Спортко жакын өсүп, дайыма дене тарбиядан "5" алып жүргөнү үчүн Дене тарбия институтуна тапшырып, мугалимдик кесипке ээ болуп, кийинчерээк юридикалык жактан билим алган.

Ал күйүүчү май, нефть жана газ тармактарында иш алып барган. Негизинен, Ысык-Көл жана Нарын облустарын камсыздап турушчу. Айтмакчы, мектеп курагында химия сабагы менен дос болбогон Садыр Жапаров ишкерликти ийгиликтүү улантуу үчүн унаасына химия китептерин салып алып окуп жүргөн. Көл кылаасында кичи заводдорду куруу үчүн ал китептерди барактап чыгууга туура келген. Химия менен тил табышпаганы эле болбосо, мектепте тарых, кыргыз адабияты жана математика сабактарын жакшы окуган.

2005-2007-жылдары Жогорку Кеңештин депутаты,

2008-2009-жылдары Паракорчулук менен күрөшүү боюнча агенттиктин комиссары,

2010-2012-жылдары Жогорку Кеңештин сот-укуктук маселелер комитетинин төрагасы,

2010-жылы "Ата Журт" партиясынын штабынын башчысы,

2010-2013-жылдары Жогорку Кеңештин депутаты,

2012-2013-жылдары Жогорку Кеңештин сот-укуктук маселелер жана мыйзамдуулук комитетинин төрагасынын орун басары.

2013-жылы 7-октябрда Каракол шаарында "Кумтөр" боюнча нааразычылык акциясындагы баш аламандыкты уюштурууга күнөөлөнүп, 2017-жылдын 25-мартында кыргыз-казак чек арасынан кармалып, камакка алынган.

Ал "бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталып, Бишкек шаарынын Биринчи Май райондук сотунун өкүмү менен "Барымтага алуу" беренеси боюнча күнөөлүү деп табылып, 11 жыл 6 айга эркинен ажыратылган.

Үй-бүлөлүү, 3 уул жана 1 кыздын атасы.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83