www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Элди сапаттуу үрөн менен камсыздоого багытталган мыйзам долбоору 3-окууда каралууда

Айдар Нуралиев 24-декабрь 2018, 14:34

Саясат


Элди сапаттуу үрөн менен камсыздоого багытталган мыйзам долбоору 3-окууда каралууда

Бүгүн, 24-декабрда Агрардык саясат, суу ресурстары, экология жана регионалдык өнүктүрүү боюнча комитетинин жыйынында «Үрөнчүлүктөгү мамлекеттик дотация жөнүндө» Кыргыз Республикасынын мыйзам долбоору 3-окууда каралып, жактырылды.

Аталган маселе боюнча КР айыл чарба, тамак - аш өнөр жай жана мелиорация министринин орун басары Жаныбек Керималиев баяндама жасады.

Аталган мыйзам долбоорун кабыл алуу республикадагы үрөнчүлүктүн өнүгүүсүнө тоскоолдук болгон эки негизги маселени чечүү үчүн укуктук негиз түптөөгө жол берет.

Биринчиден, айыл чарба товар өндүрүүчүлөрү сертификатталган сорттуу үрөндөрдү төмөндөтүлгөн баада сатып алууга мүмкүндүк алышат, бул түшүмдүүлүктү жана өндүрүлгөн продукциянын сапатын жогорулатууда оң натыйжага алып келет.

Экинчиден, үрөнчүлүк чарбаларына өстүрүлгөн үрөндөрдү толугу менен дотациялык баада сатууга мүмкүндүк берет. Муну менен алар өздөрүнүн финансылык абалын бекемдеп, сертификатталган сорттуу үрөндөрдү өндүрүүнүн көлөмүн бир кыйла жогорулата алат.

Жыйын жүрүшүндө депутат Алмасбек Акматов тармактык министрликтин өкүлдөрүнө үрөнчүлүк боюнча концепция иштеп чыгууну ыкчамдатууга чакырды.

Белгилей кетсек, республика аймагында жалпысы 109 үрөн чарбасы, алардын 31519 гектар жалпы айдоо аянты бар.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83