www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Назира Айтбекова: Жашооңдо мүдүрүлгөнүңдө баланы көгала койдой сабап, өмүр бою жек көрүш, кордош үчүн тууба!

Кызгалдак Жакыпова 27-декабрь 2018, 10:21

Адабият


Назира Айтбекова: Жашооңдо мүдүрүлгөнүңдө баланы көгала койдой сабап, өмүр бою жек көрүш, кордош үчүн тууба!

Баланы сүйүп жарат. Сүйгөнүңө белек кылып, тукумун ула. Өзүңдүн боор этиңен чыгар. Баланы айбандай кумарыңды кандырып атканда кокусунан жаратпа.

Абортко жетишпей, чоңоюп кеткени үчүн төрөбө.

Эртеңки күнү дааратканага, акыр - чикир салчу челекке ыргытыш үчүн же эзели тааныбаган бирөөнүн улагасына ташташ үчүн, жетимкананын муздак дубалын кучактатыш үчүн алып келбе бул дүйнөгө!

Ичип аткан арагыңдын бөтөлкөсүн ташытыш үчүн, кылып аткан арамыңды көрсөтүш үчүн, жашооңдо мүдүрүлгөнүңдө себеп кылып, көгала койдой сабап, же жаман күнүңдү эске салганы үчүн өмүр бою жек көрүш, кордош үчүн тууба! Баланы сүйүп жарат!

Түйүлдүк кезинде кубан, кыймылдаганда жырга, төрөлөгөндө сүйүн, эмизгенде ырахат ал, чоңойгондо бактылуу бол! Балаң - бакыт болсун! Бактылуу кыл! Азабыңа салып, арманыңды угузуп, түйшүккө төрөбө! Түбөлүгүн түз кыл. Үнүн угуп, жытын искегенде ээри, элжире, эзил! Ызааңа эмес мээримиңе бөлө! Ыйыңа эмес сүйүүңө оро!

Жаратып, жарык дүйнөгө алып келгениң үчүн колко кылба! Мени жарат деп ал суранган эмес. Жарык кылып жашооңо келгени үчүн ырахмат айт! Ыраазы бол! Шүгүр кыл!

Баланын жытын искей албай, жараткандан сурап, жалдырап, быйтыган колун кармап, таттуу тилин угуш үчүн көзү катып, дүйнөнү бергиси келген канча аял бар? 

Баланын бир өмүрлүк тагдыры энесинен көз каранды!

Назира Айтбекова

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83