www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Орусия аймагында уктатуучу апийимдин сортторун өстүрүүгө жана апийимдин сабактарын кайра иштетүүгө уруксат берүү каралган

Жазгүл Урманбетова 29-декабрь 2018, 12:09

Ден-соолук


Орусия аймагында уктатуучу апийимдин сортторун өстүрүүгө жана апийимдин сабактарын кайра иштетүүгө уруксат берүү каралган

Орусия өкмөтү өлкө аймагында маңзат өсүмдүктөрүн өстүрүүгө уруксат берген мыйзам долбоорун кабыл алды.

Документ санкция шартында импорттолгон наркотикалык дарыдармектердин ордун басууга багытталган. Бул тууралуу РБК Өнөр жай жана соода министрлигинин башчысы Денис Мантуровго шилтеме берүү менен билдирди.

РБК белгилегендей, учурда Орусияда 13 апийим препараты каттоодон өткөн, алардын тогузу — жашоо үчүн өтө маанилүү делген дары-дармектердин тизмесинде. Бирок бул өлкөдө алардын бирөө дагы толук мерчемде өндүрүлбөйт. Орусияда маңзат камтылган өсүмдүктөрдү өстүрүүгө тыюу салынган. Орусия учурда курамында маңзат бар, ооруну басуучу дары-дармектерди 100 пайыз чет өлкөдөн алат. Саламаттык сактоо министри Вероника Скворцова келишим түзүп иштеп келген 10 өлкөнүн тогузу Орусияга карата санкция киргизгенин маалымдаган. Бирок алар дары-дармектердин экспортуна тыюу салган эмес. Ошентсе да, Орусияда медициналык препараттардын импортун чектөөгө уруксат берген мыйзам долбоору каралган.

Кийинчерээк бул норма кабыл алынган документке киргизилген эмес. Мыйзам долбоорунун түшүндүрмөсүндө Орусия аймагында уктатуучу апийимдин сортторун өстүрүүгө жана апийимдин сабактарын кайра иштетүүгө уруксат берүү каралган. Эксперттерге өкмөттүн токтомун толуктап, өсүмдүктөрдүн акыркы тизмесин түзүү сунушталган. Учурда Орусияда өнөр жай үчүн гана кара куурай өстүрүүгө уруксат берилген. Орусия аймагында маңзат же психотроптук заттар камтылган, көзөмөлгө алына турган өсүмдүктөргө апийимдин түрлөрү, кара куурай, наркотикалык шалфей, мескалин кактусу кирет.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83