www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сот Зилалиевдин ишин токтотуудан баш тартты

Кызгалдак Жакыпова 11-январь 2019, 09:52

Саясат


Сот Зилалиевдин ишин токтотуудан баш тартты

Бишкек шаардык соту мурдагы вице-премьер-министр Дүйшөнбек Зилалиевдин президенттик кортеж өткөн көчөдө "бомба коюлду" деп кабар таратканы боюнча козголгон кылмыш ишин токтотуудан баш тартты.

Адвокат Чынара Жакупбекова Кылмыш жана Кылмыш-процессуалдык кодекстин жаңы редакциясына ылайык, иштин мөөнөтү өткөнүн жана Зилалиевдин тамашасынан эч ким зыян тартпаганын белгилеп, биринчи инстанциянын чечимин жокко чыгарып, сот өндүрүшүн токтотууну суранган. Сот жактоочунун мындай жүйөсүн ынандырарлык эмес деп тапты.

Дүйшөнбек Зилалиевге карата кылмыш иши президент Сооронбай Жээнбековдун 2017-жылы 24-ноябрда болгон инаугурациясынан кийин Кылмыш-жаза кодексинин 228-беренеси ("Террорчулук жөнүндө атайылап жалган маалымат таратуу") менен козголгон.

Инаугурация күнү президенттик кортеж өткөн көчөдө "бомба коюлду" деген кабар тараган. Жергиликтүү маалымат каражаттары бомба тууралуу милицияга ИИМ академиясынын курсанты кабарлаганын, ал эми ага "1532 ВК" мамлекеттик номерлүү "Лексус" машинесинен бир адам билдиргенин жазган. Кийинчерээк "машиненин номуру Зилалиевге таандык" деген маалымат чыккан.

Кылмыш ишин өткөн жылы 30-мартта Улуттук коопсуздук боюнча мамлекеттик комитет (УКМК) козгогон.

Зилалиев "курсант кыз сөзүн туура эмес түшүнүп алганын" айтып келет.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83