www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Асланбек Сартбаев, “АЗИЯnews” гезитин башкы редактору: “Текебаев түрмөдө жөн жатпай, Мадумаровду мактоо менен элди адаштырып атат”

Кызгалдак Жакыпова 14-январь 2019, 09:59

Саясат


Асланбек Сартбаев, “АЗИЯnews” гезитин башкы редактору: “Текебаев түрмөдө жөн жатпай, Мадумаровду мактоо менен элди адаштырып атат”

--Аслан мырза, Өмүрбек Текебаев Super.kg сайтына интервью берип, Адахан Мадумаровду коомчулук күтпөгөндөй алкаганы, мактаганы, о.э. экинин бири катары көрсөткөнү кандай? Мунун артынан эмнени көрүп турасыз?

--Текебаевди улуттук масштабдагы саясый оюнчу катары тааныйм. Бирок, ушул маеги менен ал катардагы авантюрист, коньюктурщик экенин көрсөттү. Түрмөдө жатат эми, анан айткандары баардык жагынан шайкеш келе бербейт да, эл кантип ишенсин? Мадумаровду көкөлөткөнү, мактаганы, экинин бири катары көрсөткөнү өзүнө кыйылган түрдө “бычак урганга” барабар. Өткөн бир дебаттарда Мадумаров паска түшүп, “видеоңду билебиз” деп киндиктен ылдый тепкенин унутуп калдыкпы? Табиятынан экөөнүн кайнаса кандары кошулбаган, аргасыздан саясый кызыкчылыктар үчүн утурумдук мамиле кылган адамдар. Текебаев “биздин идеябыз 90 пайыз дал келет” деп жанын жеп атпайбы. Саясый айдыңда анчалык жакын экен, а эмне буга чейин тебишип келишкен? Булар убактылуу гана “саясый козголоң” жасагылары келип атышат...

--Кандайча? Экөө бири-бирин мактаса эле кайсы бир деңгээлде жеңишке жетишеби?

--Кыргызстанда 6 миллиондон ашык калкыбыз бар. Мадумаровду шайлоолордо 100 миңдей адам колдосо, Текебаевге 50 миңдей шайлоочу добуш салып берет. Биздин оңоло албай жатканыбыз, жалпы улуттук деңгээлдеги саясатчынын чыга албаганы үчүн жардыбыз, кепке кемтик, сөзгө сөлтүкпүз. Текебаев жөн жерден маек берген жок, ал азыр Мадумаровду алдыга түртүп, жазга карай тополоңчулардын модератору катары алып чыгууга шыкактап атат. Ошол эле кезде Атамбаев дагы Мадумаровду көшөгө артынан колдоп, саясый сахнадан көргүсү келүүдө. Тилекке каршы, мындай саясый реванштарды элге толук кандуу жеткизип, кызыл кулактык кылып атышкандарын түшүндүрсөк, коомдук кырдаалды туруктуу сактаганга негиз түзүлөт эле.

--Мадумаровдун жактоочуларын ашып кетсе 100 миңге теңеп атасыз го? Анда ал саясый аба ырайын деле буза албайт го?

--Элдин ичинде активдүү ташбараңчылар бар да, кеп санда эмес, ошондой башы жок патриоттордун салымында болот. Эл билет да, кимдин ким экенин!

--Сөзүңүзгө аралжы, Текебаев бийлик структуралары боюнча да кеп козгоптур. Кандай дейсиз?

--Тагдырдын тамашасын кара. Ал өзү ошол системаны 2010-жылы жазды, түздү да. Анан азыр аксынып, буйтап кетип атканын кандайча түшүнөбүз? Саясый кызыл кулактык кылуунун да чеги болуш керек го?

--Сиздин баамыңызда сайсый оюндар башталыптыр. Жазга карай кандай божомол кыласыз?

--Алмазбек Атамбаев менен Садыр Жапаровдун баш көтөрүүсү башка саясатчыларга караганда таасири күч болот. Андан аркысын бара көрөлү...

--Рахмат....

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83