www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Москвада Кыргыз Республикасынын ИИМдин РФдеги Өкүлчүлүгүнүн кызматташуусу менен кылмыштуу топтун мүчөлөрү кармалып, алардын бирөөсү карактоо боюнча издөөдө жүргөн

Майрамбек Каримов 15-январь 2019, 16:04

Коом


Москвада Кыргыз Республикасынын ИИМдин РФдеги Өкүлчүлүгүнүн кызматташуусу менен кылмыштуу топтун мүчөлөрү кармалып, алардын бирөөсү карактоо боюнча издөөдө жүргөн

 

Кыргыз Республикасынын ИИМдин Россия Федерациясындагы Өкүлчүлүгүнө 2018-жылдын июль айында Москва шаарында жана Москва облусунда Кыргызстандын жарандарынан түзүлгөн белгисиз адамдардын тобу Кыргыз Республикасынын жарандарына карата өздөрүнүн кылмыштуу ишмердүүлүгүн күчөтө баштады деген ыкчам маалымат түшө баштаган.

Жогоруда көрсөтүлгөн кылмыштуу топ өздөрүнүн мекендештеринен акча талап кылышып,  Москва шаарынын жана Москва облусунун аймагында ар кандай оор кылмыштарды жасап жүрүшкөн. Кыргыз Республикасынын ИИМдин РФдеги Өкүлчүлүгү тарабынан 2018-жылдын июль айында жогорудагы кылмыштуу топко тиешеси барлардын өздүгү такталган. Алынган маалымат боюнча кылмыштуу топту Москва шаары жана Москва облусу боюнча криминалдык дүйнөдө “Кароочу” макамы менен бар Ош облусунун 1986-жылы туулган Р.М. аттуу жашоочусу башкарып келген.

Кыргыз Республикасынын ИИМдин Криминалдык милиция кызматынын маалыматында Р.М. аттуу жаран уюшкан кылмыштуу топтун активдүү мүчөсү катары Кыргыз Республикасынын ИИМдин ыкчам каттоосунда турат. Жасаган оор кылмыш иши үчүн издөөгө алынган. 2013-жылы топ адамдардын курамында Бишкек шаарынын Ленин районунун аймагында каракчылык менен кол салышкан жана тергөө органдарынан жашырынып жүргөн. 2019-жылдын 11-январь күнү Кыргыз Республикасынын ИИМдин РФдеги Өкүлчүлүгүнүн Россиянын ИИМдин Башкы башкармалыгынын Москва шаары боюнча кызматкерлери менен бирдикте аталган кылмыштуу топту кармоо, аныктоо жана мыйзамсыз иш-аракеттерине бөгөт коюуга багытталган ыкчам-издөө иш-чаралары жүргүзүлгөн.

2019-жылдын 11-январында жүргүзүлгөн бирдиктүү ыкчам иш-чараларынын жүрүшүндө кылмыштуу топтун активдүү мүчөлөрүнүн өздүгү такталып, кармалган. Алардын ичинде криминалдык дүйнөдө “Кароочу” макамы бар 1986-жылы туулган Р.М. аттуу жогорудагы топтун лидери дагы кармалган.

Кийинки ыкчам-тергөөнүн жүрүшүндө кармалган жарандардын бир катар кылмыш иштерине тиешеси бардыгы аныкталып,  алардын ичинен Россия Федерациясынын кылмыш-жаза кодексинин 158-беренесинин 4-бөлүмүндө (уурулук) көрсөтүлгөн кылмыш ишин жасагандары боюнча кылмыш иши 
козголгон.

Кармалган жарандардын жогоруда жасаган кылмыш иштери боюнча күнөө тагылып, Москва ШИИББдин убактылуу кармоочу жайына киргизилди.

Азыркы учурда кармалган кылмышту топтун катышуучуларынын башка дагы кылмыш иштерине тиешеси бардыгы такталууда жана аталган топтун башка мүчөлөрү аныкталууда.

Издөө салган тарап маалымдалды. Учурда Минск конвенциясына ылайык өз өлкөсүнө экстрадициялоо боюнча маселелер  чечилип жатат.

ИИМдин Басма сөз кызматы

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83