www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Замирбек Сыдыков тергөөчүсү Нурдин Алыбаевди коррупциялык иштерге айыптоодо

Перизат Кутманалиева 25-февраль 2019, 11:34

Кылмыш жана кырсык


Замирбек Сыдыков тергөөчүсү Нурдин Алыбаевди коррупциялык иштерге айыптоодо

Талас районунун Талды-Булак айылынын тургуну Замирбек Сыдыков аталган райондун ички иштер бөлүмүнүн тергөөчүсү Нурдин Алыбаевди коррупциялык иштерге айыптап жатат. Анын айтымында, 2018-жылдын ноябрь айында болгон жол кырсыгына күнөөлүү адам ошол тергөөчүнүн айынан жоопко тартылбай жүрөт:

- Тергөөчү күнөөлүү тараптын кызыкчылыгына иштеген. Авария болгон күнү кагышкан эки айдоочунун унааларын ордунан алмаштырып койгон. Бул иштин болгонуна төрт айга жакындап калса да эч ким жоопкерчиликке тартылбай жатат. Мен акыйкаттык издеп Таласта какпаган эшигим калган жок. Бишкекке келип да Башкы прокуратура, Жогорку Кеңеш, Ички иштер министрлигине кире албай койдук. Арызыбыз даяр, жазып койгонбуз. Бирок тоскоолдуктар көп экен. Бир жумадан бери кире албай, бүгүн Таласка кетип жатабыз, - деди Замирбек Сыдыков.

Ал эми Талас райондук ички иштер бөлүмүнүн башчысы Болот Өмүралиев “тергөөчүнү жемкорлукка айыптоо негизсиз” деп билдирди:

- Анын баары жалган. Ал тергөөчү тажрыйбалуу, өз жумушун жакшы билген кызматкер. Күнөөлүү тарапты тергөөчү чечпейт да. Аны көз карандысыз экспертизанын жыйынтыгы чечет. Биринчи жыйынтык боюнча “эки тарап тең күнөөлүү” деп келген. Алар макул болбогондуктан кайра экспертизага жөнөтүлдү. Жыйынтыгы кечээ жакында эле келди. Адам өмүрү кыйылган жерде Талас районунда эч кандай коррупциялык схема болбойт. Биздин башыбыз экөө эмес.

Өмүралиев кошумчалагандай, бул ишти учурда башка тергөөчү карап жатат. Былтыр 4-ноябрга караган түнү Таластын Кырк-Казык айылында "Хонда Одиссей" жана "Мерседес Бенц" үлгүсүндөгү эки унаа кагышып, биринчи унаадагы эки адам каза таап, дагы төртөө жаракат алган. Бул ишти Талас райоунун ички иштер бөлүмүнүн тергөөчүсү Нурдин Алыбаев тергеп баштаган. 

Булак: Азаттык


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83