www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
ИИМ КМК: Каракчылык фактысы боюнча издөөдө жүргөн жаран кармалды

Перизат Кутманалиева 26-март 2019, 09:30

Коом


ИИМ КМК:  Каракчылык фактысы боюнча издөөдө жүргөн жаран кармалды

Кыргыз Республикасынын ИИМдин Криминалдык милиция кызматынын 2-башкармалыгынын ыкчам кызматкерлери тарабынан  бейбаштык, адамды уурдоо, карактоо үчүн издөөдө жүргөн жаран кармалды.

Өткөн жылдын февраль айында белгисиз адамдар тарабынан  опузалап акча талап кылуу максатында шаар тургунун урдоо уюштурулган. Түнкү маалда Бишкек шаарынын Токтогул көчөсү менен  Молодой гвардия бульварынын кесилишинен кылмышкерлер карактап кол салышкан: 26 жаштагы шаар тургунун күч колдонуп автоунаага салышып, эл жок жерге алып кетишкен. Шаардын четинен кылмышкерлер жабырлануучудан акча каражатын талап кылышып,  арматура менен сабашып, денесине оор жаракат келтиришкен. 

Ленин РИИБи тарабынан Кыргыз Республикасынын Кылмыш-жаза кодексинин (эски кодекс)  234, 123 жана 168-беренелери менен козголгон кылмыш ишинин алкагында ыкчам-тергөө иш-чаралары жүргүзүлгөн. Натыйжада жогоруда аталган кылмыш ишине шектүү катары мурда бир нече жолу соттолгон адамдар кармалган. Андан соң, мыйзамсыз иш-аракеттерге тиешеси бар кармалгандардын бирөөсүнө карата сот тарабынан үй камагына алуу түрүндөгү баш коргоо чарасы тандалган. Бирок, 1990-жылы туулган И.А. аттуу жаран соттук териштирүүнүн жүрүшүндө жашырынып кеткен. 2018-жылдын декабрь айында ага издөө жарыяланган. 

2019-жылдын март айында ИИМдин Криминалдык милиция кызматынын 2-башкармалыгынын ыкчам кызматкерлери изделип жаткан жарандын кайда жүргөндүгү боюнча ыкчам маалымат алышкан. Жакында ИИМдин КМКнын  ыкчам кызматкерлери ыкчам-издөө иш-чараларын жүргүзүүнүн натыйжасында каракчылык үчүн издөөдө жүргөн И.А. аттуу жаран Бишкек шаарынын аймагынан кармалган.

Ошол эле күнү убактылуу кармоочу жайына камалган. Кыргыз Республикасынын ИИМдин Криминалдык милиция кызматынын 2-башкармалыгынын маалыматы боюнча 1990-жылы туулган И.А. аттуу жаран Нарын облусунун тургуну, мурда бир нече жолу соттолгон. Уюшкан кылмыштуу топтордун биринин мүчөсү катары ИИМдин ыкчам каттоосунда турат.

ИИМдин Басма сөз кызматы

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83