www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кубанычбек Кадыров: "Атамбаевге жана балдары Сейит менен Сейтекке кылмыш иши козголушу керек"

Перизат Кутманалиева 26-март 2019, 20:13

Саясат


Кубанычбек Кадыров: "Атамбаевге жана балдары Сейит менен Сейтекке кылмыш иши козголушу керек"

Бүгүн Кыргызстандын коомдук-саясый жана мекенчил уюмдардын кезектеги жыйынына коомдук-жарандык уюмдун өкүлдөрү, белгилүү коомдук-саясий ишмерлер катышты. Жыйындын жүрүшүндө мамлекеттик ишмер Дастан Сарыгулов, Эмилбек Каптагаев жана башкалар "мурдагы президент Алмазбек Атамбаевге тез арада кылмыш иши козголушу керек" деген пикирин айтты.  

Андан сырткары Бекболот Талгарбеков дагы чукул арада Атамбаевге кылмыш иши козголуш керек экендигин жар салды. Жыйынга катышкан саясый куугунтуктаган темир тор артына кетип жакында эле эркиндикке чыккан Кубанычбек Кадыров мурдагы жакын санаалашы Атамбаев тууралуу пикирин айтты.

--Атамбаевге кылмыш иши козголуп камалышы керекпи?

--Сөзсүз, албетте камалышы керек. Эмне үчүн дегенде Атамбаев бийликти узурпация кылып алды. Атамбаев өзү президент, өзү Өкмөт, Жогорку Кеңештин төрагасы, ИИМ министри, УКМКнын жетекчиси баары болду. Аны элдин баары билет. Өзү ,"муну, тигини чыгарып койсом болмок, тигини камап койсом болмок", деп айтты. Көрдүңөрбү, ал убакта мыйзам иштеген эмес. Ошон үчүн мамлекетти биз баш-аламан кырдаалга келдик. Андыктан  Атамбаевдин жеке өзүнө эмес, Атамбаевдин эки уулу Сейит менен Сейтекке, Индира Жолдубаевага, Абдил Сегизбаевге кылмыш иш козголушу керек.

Анткени булар кылмыштуу жамаат түзүп алышкан. Албетте аларга кылмыш иши козголушу зарыл, бул элдин да талабы болуп жатат. Атамбаев элдин башын айландырып Курманбек Бакиев менен Акаевди жамандап жүрүп ошо менен алты жылды өткөрүп жиберди. Мына Атамбаев коррупциялык иштерде бүт баарында айтылып келди. Ошонун баарын Атамбаевдин убагында аны, балдарынын коррупциялык иштерин ачык айтканыбыз үчүн мен, Бектур Асанов жана Эрнест Карыбеков, башкалар камалбадыкпы?!

--Рахмат.

Эске сала кетсек, КР коомдук-саясый  жана мекенчил уюмдарынын биринчи Курултайы 2018-жылы 24-ноябрда болуп өткөн. Бүгүн, 26-мартта ноябрь айында өткөн Курултайдын чечимдерин турмушка ашыруу боюнча аткаруу комитетинин V-конференциясы болуп өттү.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83