www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бети калың Мурашевге качанкыга чейин чыдайбыз?

Айдар Нуралиев 02-май 2019, 13:56

Саясат


Бети калың Мурашевге качанкыга чейин чыдайбыз?

Учурда жазгы талаа жумуштары кызуу жүрүп аткан кез. Тилекке каршы, айыл чарба, тамак-аш өнөр жайы жана мелиорация министри Нурбек Мурашев «быш» этип да койгон жок. Коомчулук үчүн оор уйкуда жаткандай сезилет. «Сүткө оозу күйгөн айранды үйлөп ичет» дегендей, быйыл анчейин алдын ала билдирүүлөргө бара албады. А былтыр элибизди Мурашев картошка айдаганга үндөп, Өзбекстан чоң өлчөмдө сатып аларын жар салган. Ортодон карапайым калкыбыз алданып калды. Ушу күнгө чейин картошкалар тонналап чирип, итбекер баада болгону ырас.

Алигүнчө министрге наалыгандар, каргагандар да арбын. Бул эргул кечирилгис катачылыгы үчүн өткөн күздө эле кызматынан кетиш керек болчу. Бирок, тырмышып отурат. Бир жагынан «Бир Бол» фракциясынын лидери Алтынбек Сулайманов жөлөсө, экинчи тарабынан шөмтүрөгөн өкмөт башчы Мухамметкалый Абылгазиев креслосунан ала албайт. Ал эми ортодо эл кыйналууда. Маселен, жазгы талаа жумуштары башталганга чейин Мурашев дыйкандарга багыт берип, быйылкы жылдын прогнозун жасаш керек эле да. Элибиз эмне эксе, күздө түшүмүн нарктуу баада сата алышат? Элементардуу гана суроо. Эң жөнөкөй шарттарды түзө албаган министрдин кимге кереги бар? Бажы биримдигине киргенибиз менен артыкчылыктары болдубу? Казактар жылыга чек араны жабат, же алар менен теңата сүйлөшө албайбыз. Иш жүзүндө фермерлерибиздин өндүргөн айыл чарба продукцияларын мамлекет өткөрө албай келет. Кыскасы, мындай бети калыңдарга качанкыга чейин чыдайбыз?..

Булак: «Азия ньюс»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83