www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Ташкентте жолдо бараткан аялды сүзүп кеткен милициянын подполковниги кызматынан четтетилген жок

Кызгалдак Жакыпова 15-май 2019, 16:03

Коом Кылмыш жана кырсык


Ташкентте жолдо бараткан аялды сүзүп кеткен милициянын подполковниги кызматынан четтетилген жок

6-апрелде Ташкент районунда жолдо бараткан аялды өлтүрө сүзүп кеткен милициянын подполковниги май айынын башында кайра жумушка кайтып келди. Бул тууралуу “Азаттыктын” өзбек кызматынын ички иштер органдарындагы өз булактары билдириди.

38 жаштагы Умид Курбановдун катышуусундагы жол кырсыгынан бир аял катуу жаракат алып, ооруканада көз жумган.

8-апрелде Өзбекстандын Башкы прокуратурасы кылмыш иши козголгонун жарыялаган.

Бирок Ташкенттин ички иштер башкы башкармалыгынын атын атагысы келбеген кызматкери Умид Курбанов мурдагыдай эле башкармалыктын уюшкан кылмыштуулук менен күрөшүү бөлүмүн жетектеп жатканын билдирди. Бул маалыматты дагы бир тартип сакчы тастыктады.

2018-жылы Умид Курбанов Ташкент ички иштер башкы башкармалыгынын уюшкан кылмыштуулук менен күрөшүү бөлүмүнүн башчысы болуп дайындалган. Милициядагы өз булактардын кабарлашынча, ал Ташкент шаарынын ички иштер башкармалыгынын биринчи орун басары Улугбек Турсуновдун жакын адамдарынын бири. Улугбек Турсунов президент Шавкат Мирзиёевдин улуу күйөө баласы Ойбек Турсуновдун агасы.

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83