www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Азамат Арапбаев, ЖК депутаты: "Салыктан бошотуу да дотациянын бир түрүнө кирет..."

Кызгалдак Жакыпова 16-май 2019, 16:37

Маек Саясат


Азамат Арапбаев, ЖК депутаты: "Салыктан бошотуу да дотациянын бир түрүнө кирет..."

- Азамат Абдулажанович, айыл чарбасын салыктан бошотууну сунуштап жаткан экенсиздер. Бул сунуш жалпы айыл чарбасына тиешелүү болобу?

- Кечээ биз бодо малга сырттан кирген жемди өзүбүздүн өндүрүшчүлөр өндүргөндө, аларды салыктан бошотуу маселесин талкууладык. Аны депутаттар колдошту, эми палатага чыгат. Өзүңөргө белгилүү, бир топ өнүккөн мамлекеттерде айыл чарбасы бюджеттен дотацияланат. Өзгөчө мал чарба багыты. Бизде азырынча андай мүмкүнчүлүк жок, бирок, салыктан бошотуу да дотациянын бир түрүнө кирет. Ошондуктан, палатага чыкканда бул сунуш колдоого ээ болот го.

- Бирок, экономика министринин орун басары мындан бюджет 136 млн. сом зыян тартарын айтып атпайбы?

- Ал жөн эле оозеки айтылган сөз, эч кандай эсеби жок. Мындан эч ким зыян тартпайт. Ал «буудай киргенден» деп айтып атат. Бирок, буудайдын багыты бар да. Андан же ун чыгат, же жем чыгат. Биздин долбоордун ун чыгарганга эч тиешеси жок.

- Биздин өзүбүздүн дыйкандар корголбой калдыбы?

-  Макул эмесмин. Кандайча корголбой калат? Корголот эле. Экономика министрлигинин өкүлү «бизде мал чарба багыты боюнча конкурент жок» дейт. Бул жаңылыш көз караш. Бизде атаандаштык аябай чоң. Кошуна Казакстан, Өзбекстан, Тажикстан атаандаш. Президентибиздин чет элдик сапарларынын биринде Кытай тарап экологиялык жактан таза продукцияларга кызыгарын билдирди. Эгер биздин эт тармагы жакшы өнүгүп, жалпы Кытай эмес, анын бир провинциясына эле жеткирип бере баштасак да чоң жеңиш болот эле.

- Буга чейин сырттан келген ун салыктан бошотулган эле. Бирок, ачыгын айтканда, ал жакшы натыйжа берген жок. Дагы ошондой болуп калбайбы?

- Андай болбойт. Азыр канаттуулар багыты боюнча бошотуу тууралуу сөз болуп жатат. Ал жерде беш миңдей адам алектенет экен. Биздин өлкөбүздүн жарандарынын 60 пайызы айылдарда турат (а балким, андан да көбүрөөктүр). Турмуш анчалык жакшы болбогонунан ички миграция күчөөдө. Ошол 60 пайыз жарандарыбыз дыйканчылык, мал чарбачылыгы менен алектенет. Бул деген аябай чоң катмар. Биз ошолорго жардам берели да.

Аттокур ЖУМАЕВ

Булак: "АЗИЯnews"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83