www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бандиттер, кумарканалар былгып кетти

Айдар Нуралиев 17-май 2019, 08:59

Кылмыш жана кырсык


Бандиттер, кумарканалар былгып кетти

Негедир беткап кийген бандиттер бир эле Бишкекте эмес бардык аймактарда былгып кетти. Түндө дүкөндөргө кирип, кассадагы акчаны оңой эле шыпырып кетсе, чак түштө үйлөргө баш багып тополоң салып, колуна тийгендерди олжолоп кетип жатышканы элди кооптондуруп койду. Ал эми милисалар болсо
башын шылкыйтып, митингге чыккандарды кайтарып калышканы ого бетер кыжырды келтирет.

Өткөндө эле белгилүү ырчы Мирбек Атабековдун үйүнө кирген бандиттер апасын, ырчынын карындашын коркутушуп, 60 миң долларга кесепетин тийгизишти. Бул тоноочулукка балким акчасы барын билгендер себепкер болгондур? Айтор, айылда мал уурулар арбыса, шаарда беткап кийген бандиттер элдин азабын берген кези. Илгеркидей мыкты оперлер жок экендигине капалангандар толтура. Шүмшүктөрдүн сары изине чөп салып, узатпай кармап, жазасын берген күч түзүмүнүн кызматкерлери деги качан талапка шайкеш аракет кылышаар экен? Баса, Ошто көмүскө иштеген кумарканадан жабыркагандар ачык байкалды. Бул “майлуу” жерди да милисалар билмексенге салганы ого бетер калктын ачуусун келтирип жатат. Мыйзам иштебеген мамлекетте ушинтип тескери учкан жагалмайлар көбөйүп, жөнөкөй жарандардын терисин сыйрыганы албетте, жакшы жышаан эместир? Деги эмне болуп баратабыз, кокуйгүн!

Булак:  «Ачык сөз»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83