www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
ФОТО - Мухаммедкалый Абылгазиев: Ачык маалыматтар Өкмөттүн социалдык-экономикалык саясатын ийгиликтүү ишке ашырууну шарттайт

Кызгалдак Жакыпова 18-май 2019, 17:35

Экономика Саясат


ФОТО - Мухаммедкалый Абылгазиев: Ачык маалыматтар Өкмөттүн социалдык-экономикалык саясатын ийгиликтүү ишке ашырууну шарттайт

Ачык маалыматтар Кыргыз Республикасынын Өкмөтүнүн социалдык-экономикалык саясатын ийгиликтүү ишке ашырууну шарттайт. Бул тууралуу Кыргыз Республикасынын Премьер-министри Мухаммедкалый Абылгазиев DataCon Central Asia 2019 конференциясын ачып жатып билдирди.

Өкмөт башчы белгилегендей, бүгүн иш-чаранын алкагында талкууланып жаткан тема дүйнөлүк экономиканын өнүгүүсүндө жана бүгүнкү адамзаттын көйгөйлүү маселелерин жеңүүдө абдан маанилүү.

«Глобалдуу маселелерди жана дүйнө коомчулугунун келечектүү туруктуу өнүгүүсүн чечүү үчүн экономикалык өсүүнүн заманбап жана натыйжалуу механизмдерин издөө керек. Мындай заманбап жана инновациялык куралдардын бири – жашообузга маалыматтык тутумдарды жана технологияларды киргизүү болуп саналат. Социалдык, экономикалык жана коомдук-саясий көз караштан алганда экономиканы трансформациялоо үчүн санариптик технологиялар сунуштаган мүмкүндүктөр түгөнгүс», – деди Мухаммедкалый Абылгазиев.

Премьер-министр баса белгилегендей, Өкмөт «ачык маалыматтар» концепциясын ишке ашырууга бардык күчү менен көмөктөшөт, ал ийгиликтүү санариптик трансформация үчүн негизги пайдубалдардын бири.

«Ошол эле учурда белгилей кетсек, «ачык маалыматтар» концепциясы мыйзамда бекитилген, ал эми ачык маалыматтар инфратүзүмү – бул электрондук башкаруунун мамлекеттик инфратүзүмүнүн бөлүгү. Ачык маалыматтар Өкмөттүн социалдык-экономикалык саясатын ийгиликтүү ишке ашырат жана жарандардын жашоосун жакшыртууга багытталган», – деди ал.

Мухаммедкалый Абылгазиев белгилегендей, бүгүнкү күнү маалыматтарды ачуу процессин баштаган 12 пилоттук мамлекеттик орган аныкталган.

«Биздин милдет – бул сапаттуу мамлекеттик кызматтардын электрондук түрдө өлкөнүн алыскы аймактарына жеткиликтүүлүгүн камсыз кылуу. Мамлекеттик кызмат көрсөтүүлөрдү алууда кыйналган дал ошол  карапайым жарандар оң өзгөрүүлөрдү сезүүгө тийиш. Алгачкы оң жыйынтыктар бар», – деди ал жана «ачык маалыматтар» концепциясы «Санарип Кыргызстан 2023» Стратегиясын ийгиликтүү ишке ашырып баштоонун негизи болуп калганын кошумчалады.

Өкмөт башчынын айтымында, мамлекеттик органдардын «Түндүк» ведомстволор аралык электрондук өз ара аракеттешүү тутуму ийгиликтүү киргизилип жатат. Тутумга бардык 52 мамлекеттик орган кошулган. Ошондой эле системага коммерциялык уюмдарды жана банктарды кошуу боюнча чоң иштер жүрүп жатат.

«Ачык маалыматтар» концепциясын ишке ашыруу – бул глобалдык долбоор, анын ийгилиги бардык кызыкдар тараптардын активдүү катышуусунан көз каранды. Биз эң башкысы – булмаалыматтык технологиялар дүйнөсү  экендигин, ал келечек дүйнө жана артка жол жок экендигин түшүнүүгө тийишпиз», – деди ал.

Мухаммедкалый Абылгазиев ачык маалыматтардын ыңгайлуу экотутумун түзүүгө, ачык маалыматтарды колдонуу менен жогорку технологиялык программаларды биргелешип иштеп чыгууга, билим берүү программаларын ишке ашыруу аракеттерин бириктирүүгө активдүү катышууга чакырды.

«Биз жарандык сектор жана коомдук бирикмелер менен активдүү кызматташууга даярбыз. Мен өлкөбүздүн келечеги ишенимдүү колдо деп ишенем. Сиздер сыяктуу жогорку класстагы адистер учурда өз өлкөсүнө болуп көрбөгөндөй керек! Силер биздин улуттук долбоорлорду жигердүү илгерилетип, өлкөнү өнүктүрүүгө, адамдардын жашоосун жакшыртууга көмөк көрсөтүшүңөр керек», – деп жыйынтыктады Премьер-министр Мухаммедкалый Абылгазиев.

ALI_5247

ALI_9905

ALI_9991

ALI_0087

ALI_0010

ALI_0029

ALI_0047

ALI_0051

ALI_5172

ALI_5212

ALI_5220

ALI_5247

ALI_9905

ALI_9991

ALI_0087

ALI_0010

ALI_0029

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83