www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Генерал Мирзаматов башкаларга жалган күбөлүктөрдү да жасап берген

Кызгалдак Жакыпова 22-май 2019, 14:10

Саясат


Генерал Мирзаматов башкаларга жалган күбөлүктөрдү да жасап берген

2017-жылы өкмөт башчынын токтому менен мекемелер аралык комисия тузүлгөн. Ал комиссия "мен союз мезгилинде ооган согушуна катышкам" ~ деп, өкмөттөн айына 6 миң сом пенсия алган ардагерлерди текшерүүгө ала баштаган.

Натыйжада 200ге жакын адам ал согушка катышпай эле, 7 жылдан бери, тааныш-билиш аркылуу "ооган согушунун ардагери" деген жалган күбөлүк жасатып алышканы ачыкка чыккан.

Алардын ана башында генерал Рысбек Мирзаматов жана генерал Нурдин Чомоевдин да жалган ооганчы экени далилденип, кылмыш иши козголгон.

Чомоев 6-7 жылдан бери өкмөттөн алган акчасын кайра кайтарып жатат. Ал эми Мирзаматовдун кызмат абалынан пайдаланып, бир эмес, эки күбөлүк жасатып алганы ачыкталган.

Бирок ал ошого карабай, күнөөсүн мойнуна албай, так секирип келет. Жакында анын учурунда Ош шаардык аскер комиссариатын жетектеп турганда өзүнүкүндөй жалган күбөлүктү башка адамдарга да жасатып бергенин аталган комиссиянын мүчөсү Абдыгул Чотбаев ЖМКларга билдирди.

Жалган ооганчынын бири Токторбай Адыров экен. Ал жасалма кубөлүгү менен өзүн генерал деп тааныштырып, ооганчылардын ооруканасынан дарыланып жүргөн. Бирок ал эч кандай генерал эмес, полковник экен. Жалган ардагер Мирзаматовдун "Ата Мекенден" ЖКга депутат болом деп, өзүнө козголгон кылмыш иштерин кыскартуунун амалы менен алектенип келатканы маалым.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83