www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АУДИО - Накта “оюнчу” энергохолдингге жетекчи болду

Кызгалдак Жакыпова 28-май 2019, 15:09

Саясат



АУДИО - Накта “оюнчу” энергохолдингге жетекчи болду

Ар дайым Жогорку Кеңештин жыйынында «Улуттук энергохолдинг» ишканасынын башчысы Азамат Абдыкадыровду сынга кабылып, начар иш алып барып жатканы боюнча жеме жеп жүргөн. Ошол эле маалда эл өкүлдөрү Улуттук энергохолдингдин кереги жоктугун, жоюп салыш керектигин айтышып күпүлдөштү эле. Көрсө иттин өлүгү бул жакта көмүлгөн экен да. Эмнеге эле жоюш керек деп элирип калды десе, кесиптеши Айтмамат Назаровду жетекчи кыла алышпай жатышкан тура. Айтмамат Назаров тууралуу эмне белгилүү? Энергетика тармагында түшүнүгү барбы? Аны сурап койгон же териштирген киши жок.

Назаров тууралуу кызыктар: 2019-жылы февраль айында комитет жыйынында кесиптеши Салайдин Авазов экөө телефон ойноп жатып, фракция лидери Баатырбековдон тил угушкан. Анда да жыйын баштала элек деп мойнуна албаганга аракет кылган. Бирок, журналисттер видеого тартып алганынан унчукпай калган. 2018-жылы бизнес омбудсмен кызматын киргизиш керек деп Американы ачкандай жар салган. Кыскасы, энергетикага эч кандай жакындыгы жок. Комитетте, жогорку шептин үкөсүнөн көзүн албаган Назаров, ушинтип “сыйкыр таяк” менен “май-талканга” келди. “Оюнчу” неме, эмне оюндарды көрсөтөөр экен?

Булак: «Факты.kg»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83