www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АУДИО - Алмамбет Шыкмаматов, асмандагы айды айтпай, жердеги элди айтсаңчы...

Нурайым Рысмамбетова 28-май 2019, 15:51

Саясат



АУДИО - Алмамбет Шыкмаматов, асмандагы айды айтпай, жердеги элди айтсаңчы...

Жогорку Кеңештин Конституциялык мыйзамдар, мамлекеттик түзүлүш, сот - укук маселелери жана регламент боюнча комитетинин жыйынында Орусиянын паспортун алган кыргызстандыктарга Кыргызстандан жер тилкесин алууга уруксат берүү маселеси көтөрүлдү.

Мындай мыйзам долбоорунун автору Алмамбет Шыкмаматовдун айтымында, бул  кыргызстандык мигранттардын жерге болгон укугун камсыздоо үчүн абзел.

“Расмий так маалыматтар боюнча, кыргызстандык 600 миң мигрант Орусиянын паспортун алышкан. Алар аргасыздан Россия Федерациясына жаран алуу боюнча кайрылгандыгын жакшы билебиз. Биздин мыйзам боюнча, чет элдик жарандар үй сатып алууга укуктуу болгону менен жер сатып алууга укугу жок. Биздин мурунку жарандар жер сатып алышын каалайбыз. Алар ансыз деле сатып алат, бирок, туугандарына каттаганга аргасыз”, - деп айтты Шыкмаматов.   

Анын айтымында, мигранттар жер аларда КРнын мурунку жарандары экенин тастыктап бериши керек. “Эгер паспортторун сактап койбосо, архив аркылуу Кыргызстандан чыкканын далилдей алат”, - деп айтты депутат.

Урматтуу Алмамбет мырза, турак – жай салуу үчүн жер тилкесине коюлган мораторийден улам, Орусия жарандыгын алгандар эмес, Кыргызстандан эч жакка чыкпагандар жер алалбай, тамга жетпей келет.

Алгач мораторийди алып, турак-жайга уруксат берүү жагын колдогондой болдуңар эле, аныңардан дайын жок да. Андан көрө реалдуу көйгөйлөргө баш оорутсаңарчы, бир төөнү , бир бээни кеп кылбай.

Булак:NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83