www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Нурсултан Назарбаев Сооронбай Жээнбековго Казахстан Республикасынын тунгуч Президентинин Орденин тапшырды

Кызгалдак Жакыпова 28-май 2019, 19:59

Саясат


   Нурсултан Назарбаев Сооронбай Жээнбековго Казахстан Республикасынын тунгуч Президентинин Орденин тапшырды

Казакстан Республикасынын тунгуч Президенти Нурсултан Назарбаев бүгүн, 28-майда, Евразиялык экономикалык биримдик жөнүндө Келишимге кол коюунун 5 жылдыгына карата жана ошондой эле Кыргызстан менен Казакстандын ортосундагы кызматташтыкты тереңдетүү жана кеңейтүүгө кошкон өзгөчө салымы үчүн Кыргыз Республикасынын Президенти Сооронбай Жээнбековду «Казакстан Республикасынын тунгуч Президенти — Элбашы Нурсултан Назарбаев» Ордени менен сыйлады.

Жолугушуу Президент Сооронбай Жээнбековдун Нур-Султан шаарындагы Жогорку Евразиялык экономикалык кеңешинин мааракелүү жыйынына катышуу үчүн иш сапарынын алкагында болду.

Сооронбай Жээнбеков Нурсултан Назарбаевдин Кыргызстан жана Казакстандын ортосундагы бир туугандык мамилелерди орнотуп, бекемдөгө кошкон жеке салымын белгиледи. Өлкөлөр ортосунда эки тараптуу гана эмес, эл аралык уюмдардын алкагында көп тараптуу кызматташтык жана өз ара аракеттенишүү өнүгүүдө.

Ал ошондой эле Нурсултан Назарбаевдин евразиялык интеграцияны түзүү жөнүндөгү демилгеси иш жүзүнө ийгиликтүү ашып жатканын баса белгиледи.

Президент Сооронбай Жээнбеков Нурсултан Назарбаевге ийгиликтерди каалап, өлкөлөр ортосундагы эки тараптуу кызматташтыктын мындан ары дагы тереңдешине ишеним билдирди.

Казакстандын тунгуч Президенти Нурсултан Назарбаев Кыргызстан менен мамилелерди өнүктүрүүнү ар дайым колдоп келгенин жана колдой берерин белгиледи.

Нурсултан Назарбаев Президент Сооронбай Жээнбековдун алган багытын колдогонун белгилеп, анын мындан аркы иштерине ийгиликтерди каалады.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83