www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Оор турмуштук кырдаалга кабылган балдардын электрондук базасы түзүлдү

Нурайым Рысмамбетова 29-май 2019, 16:16

Саясат Коом


Оор турмуштук кырдаалга кабылган балдардын электрондук базасы түзүлдү

Кыргыз Республикасынын Эмгек жана социалдык өнүктүрүү министрлигинин алдында оор турмуштык кырдаалга кабылган балдардын электрондук базасы түзүлдү. Демилге Кыргыз Республикасынын вице-премьер-министри Алтынай Өмүрбекованын тапшырмасы менен ишке ашырылды. Бул тууралуу Өкмөттүн Аппаратынын маалыматтык камсыздоо бөлүмү

Маалыматтар базасы Кыргыз Республикасындагы БУУ Балдар фондунун (ЮНИСЕФ) техникалык колдоосу менен иштелип чыкты.

Балдарды коргоо багытында жүргүзүлүп жаткан чараларга карабастан, балдарга карата жасалган кылмыштардын санынын өсүү тенденциясы сакталууда жана балдар жана жаштар тарабынан жасалган кылмыштардын деңгээли жогору бойдон калууда.

Ички жана тышкы миграция мигрант ата-энелер тарабынан туугандарында жана тааныштарында асыроо тууралуу расмий каттоосуз калтырылган балдардын санынын өсүшүндө зор роль ойнойт. Балдар мындай учурларда көбүнесе алардын муктаждыктарын капарга албаган жактар тарабынан зомбулукка жана катаал мамилеге кабылышат.

Жашоо шарты оор балдардын маалыматтар базасын кошумча программалык камсыздоо оор турмуштык кырдаалга кабылган балдарды аныктап, аларга мамлекеттик органдар, жергиликтүү өз алдынча башкаруу органдары, коомдук бирикмелер тарабынан өз убагында жана тиешелүү жардам көрсөтүү, аларды жайгаштыруу, алар менен алдын алуу иштерин жүргүзүү максатында ведомстволор аралык өз ара аракеттешүү үчүн «Түндүк» электрондук тутуму менен бириктирилет.

Аймактык мамлекеттик органдар кайсы жер болбосун, айыл өкмөттүн деңгээлинде дагы Интернет жеткиликтүү болсо, аныкталган бала тууралуу маалыматты киргизе алышат. Бул мамлекеттик башкаруунун бардык деңгээлинде түрдүү ведомстволордон ар башка башкаруу деңгээлинде алынган маалыматтарды координациялоо жана башкарууну жакшыртат, түрдүү суроолорго талап кылынган чыгымдарды үнөмдөп, эң башкысы зарыл болгон кызматтарды жана жашоо шарты оор балдарга жардам көрсөтүү убактысын кыскартат.

Иштелип чыккан тутум оор турмуштук шарттардын киргизилген жагдайларынын негизинде автоматташтыруу жолу менен оор турмуштук кырдаалга кабылган балдарды жана алардын үй-бүлөсүн коргоо боюнча Индивидуалдык план долбоорун түзөт. Маалыматтар базасынын иш мүмкүндүктөрүн иштеп чыккан соң аны Чүй облусунун эки районунда пилоттук түрдө киргизүү пландалууда.

Булак:NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83