www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Каныбек Осмоналиев, экс-депутат: “Атамбаев ылгабай сүйлөй берген “талантын” жоготпоптур”

Кызгалдак Жакыпова 11-июнь 2019, 15:39

Саясат Маек


Каныбек Осмоналиев, экс-депутат: “Атамбаев ылгабай сүйлөй берген “талантын” жоготпоптур”

—Каныбек агай, Атамбаевдин митингдеги сүйлөгөн сөзүнөн эмнени байкадыңыз?

—Экс-президент катуу сүйлөдү. Расмий бийликтин ишмердүүлүгүнө болгон көз карашын, жеке таарынычын өзгөчө эмоция менен билдирди. Атайын даярданып келгени көрүнүп турат. Анын үстүнө бул инсандын сүйлөө стили башкача эмеспи, тартынбай, ылгабай, айта берет, ошол «талантын» жоготпоптур. Мурда Президент. С.Жээнбеков боюнча «сыйапаттап» айтып жүрсө, бул сапар ачык эле анын жеке аброюна шек келтире турган эпиттерди колдонуптур. Аттиң дейсиң! Атамбаев өзүнүн көз карашын көчө сөзү менен эле эч нерсеге оробой айтып салды. Бул уят. Ал эми митинг купулума толгон жок.

—Парламентти «чимкирик», Президентти «мусулман эмес, мунафык» дегенин кандай бааласак болок?

—2015-жылы өзү ошол эле жакын санаалаштары, коюн-колтук алышып жүргөн достору менен чогуу сүйрөп алып өткөн 6-чакырылыштагы депутаттарды «чимкирик» деп дагы бир атаганын көрдүк. Мындай сөзгө депутаттар деле көнүп калгандай. Бир, экөөсү каршы сүйлөмүш болот, калганына баары бир. Биз парламентте отурган учурда Атамбаев депутаттардын кээ бир бөлүгүн сатып алган деген сөздөрдү угуп калчумун, бирок азыркыдагыдай мазактаганына алы жетчү эмес. Атургай, 5-чакырылыштагы ЖКнын отурумдарына келгенден коркуп, жаа бою качып жүрчү. Ал учурда саясий кырдаалдагы башкача эле, парламенттин курамы да өзгөчө болчу. Азыркы депутаттардын баардыгы Атамбаевдин «батасын» алып, адам болгондор. Алардын колун Атамбаев өзү «адалдаган». Ошондуктан ал тигилерди каалашынча мазактап жүрбөйбү. Атүгүл
президентти да мазактады. Сооронбай Жээнбековдун дарегине айткан «шайтан, мунафык, мусулман эмес, легитимсиз, зоотехник, колхоздун башкармасы, башында колхоз менен Кокон хандыгы жатат деген сындуу ж.б.» сөздөр бүт ыргыз элине көө сүйкөгөн иш болуп калды.

Булак: «Мантыш»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83