www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Нурдин Сулайманов, Кыйноолорду алдын алуу боюнча улуттук борбордун директору: «Салянова камерада жалгыз эмес, өмүрүнө коркунуч туулганын айткан жок»

Кызгалдак Жакыпова 13-июнь 2019, 13:15

Саясат Маек


Нурдин Сулайманов, Кыйноолорду алдын алуу боюнча улуттук борбордун директору: «Салянова камерада жалгыз эмес, өмүрүнө коркунуч туулганын айткан жок»

Батукаевдин иши боюнча камакка алынып, 1-СИЗОго камалган экс-ген.прокурор Аида Саляновага коркутуу, басым болуп, өмүрүнө коркунуч туулуп жатканын анын адвокаттары, партиялаштары айтып тынчсызданышууда. Мындан улам алар Салянованын бөгөт чарасын өзгөртүүнү талап кылып жатышат. Жаза аткаруу мамлекеттик кызматынын өздүк коопсуздук бөлүмүнүн мурдагы башчысы Ишенбек Мусаев дагы камакта отурган мурунку башкы прокурор Аида Саляновага кылмышкерлер аркылуу басым болушу толук мүмкүн деп эсептейт. Анын айтымында, саясатчыларга байланыштуу иштерде мындай тажрыйба мурдатан колдонулуп келген. Басым жасоого буйрукту бийлик берээрин белгилейт ал. Парламенттин жалпы жыйынында “Ата Мекен” партиясынын лидери Алмамбет Шыкмаматов дагы Саляновага кылмышкерлер аркылуу психологиялык басым жасалып, органда иштеген кызматкерлер андан тийиштүү көрсөтмө алууга аракет кылып жатышканын билдирди. “Атамекенчи” депутаттар 11-июнда Саляновага кирип жолугуп чыгышкан. Ал эми Жаза аткаруу мамлекеттик кызматы бул айтылгандарды четке какты. “Салянова кармалып турган корпуста камералар орнотулган” дешти. Жогорудагыдай маалымат чыгаар замат, Кыйноолорду алдын алуу улуттук борборунун кызматкерлери Саляновага жолугуп чыгышкан.

- Нурдин мырза, Аида Саляновага басым болуп, анын өмүрүнө коркунуч туулуп жатканын адвокаттары айтып жатышат. Сиздер жолугуп чыктыңыздар, өзү эмне деди?

- Аида Жеңишбековнага жеке мен өзүм барып жолуккан жокмун. Кызматкерлерим барып келишти. Айрым депутаттар ага басым болуп жатканы тууралуу маалымат айтышаар замат, дагы бардык. Салянова өзү өмүрүнө коркунуч туулуп жатканы тууралуу эч сөз айткан жок. Шаардык милициянын убактылуу кармоочу жайына киргизилгенде да дароо барганбыз. Анда тез жардам чакыртып, кардиограмма жасатып, анан өзү менен сүйлөшкөнбүз. Болгону, ден соолугуна байланыштуу маселени айтты. Жүрөгү ооруйт экен,“ультра үндүү аппараттан өтсөм жакшы болот эле” деди. Бүгүн дагы “Салянова кармалган камерага жакын анын инисин өлтүрүугө катышы бар адам кармалып жатат” деген маалымат уктум. Бизде мындай маалымат жок. Биз дагы тактайбыз.

- “Салянова Ген.прокурор болгон. Ал УКМКнын тергөө абагына кармалыш керек болчу” деп,1-СИЗОго камалышы туура эместигин айтып жатышат. Кыйноолорду алдын алуу борбору бул иш боюнчасунуш айта алабы?

- Негизи, кармалган адамдын убактылуу кайда камалышын тергөө органдары чечет. Биздин ыйгарым укуктарыбыз боюнча, мындай иштерге кийлигише албайбыз. Эгерде, ал жаранга кыйноо фактылары болсо, анда биз тез арада аны башка жайга которуу зарылдыгы тууралуу маселе көтөрөбүз. Мындай иш Жаза аткаруу кызматынын жетекчилигине кайрылуу менен чечилет. Ал эми Салянова камерада жалгыз эмес. Жанында бир аял бар. Эч кимди жалгыз камабайт. Анын үстүнө ал кармалган корпуста видео камера бар экендигин айтышты.

- Бир тууганын өлтүрүүгө катыштыгы бар адам ал жерде камалып турса, “коркунуч жок” дегенге кепилдик барбы?

- Айла жок 1-СИЗОнунадминистрациясынын сөзүнө ишенгенге туура келет. Алар дагы “эч кандай коркунуч жок” деп жатышат. А тигил кылмышка катыштыгы бар делген адамдын кылмыш ишин алып көрүү керек мындайда. Бирок, аны ачууга бизге мыйзам жол бербейт. Акыры келип, бул Жаза аткаруу кызматынын жоопкерчилигиндеги маселе.

Булак: "АЗИЯnews"

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83