www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
КАЙРЫЛУУ: Премьер-Министри М.Д. Абылгазиевге

Айдар Нуралиев 06-июль 2019, 12:41

Саясат


КАЙРЫЛУУ: Премьер-Министри М.Д. Абылгазиевге

Кыргыз Республикасынын

Президенти С.Ш.Жээнбековго

Кыргыз  Республикасынын

Премьер-Министри М.Д. Абылгазиевге

КАЙРЫЛУУ

Кара-Буура районунун борбору Кызыл-Адыр айылында 1983-жылы  450 орундуу “Семетей” кинотеатры курулуп, ошол убакта ишке берилгенин билдиребиз. Кинотеатр негизинен үч бөлүктөн турат: фоэси, көрүүчү зал жана экинчи кабатындагы административдик кабинеттер. Ишке берилген күндөн тартып, бүгүнкү күнгө чейин эч кандай ремонт иштери жүргүзүлгөн эмес жана 2013-жылдан бери тиешелүү мекемелерден бекитилген комиссиянын түзгөн актысына ылайык, кинотеатр авариялык абалда деп табылып, бүгүнкү күндө иштебей жабылып турат.

Райондук маданият бөлүмүнүн, мекемелеринин тиешелүү имараты болбогондуктан, кинотеатрдын имаратынын экинчи кабатында орун алып, иштеп келген.  Бүгүнкү күндө райондук маданият бөлүмүнүн эмгек жамааты Кара-Буура айыл өкмөтүнө таандык кичинекей имаратка жайгашып, ыңгайсыз шартта иштеп жатышат. Тактап  айтканда,  ошол убактарда эки мекеме жайгашып, иш алып барып келген.

Канча жылдан бери, тиешелүү жогорку органдарга капиталдык ремонттон өткөрүүгө муктаж деп, акча каражаты суралып, район тарабынан жана элден кайрылуулар жазылып келет. Бирок бүгүнкү күнгө чейин эч кандай  жыйынтык  жок.

Убагында мурунку Өкмөт башчы  Ж.Сатыбалдиев  Талас жергесине келип, Кыргызстан боюнча эң жакшы абалда орнотулган Чыңгыз абанын айкели жогорудагы белгиленип жаткан авариялык абалдагы “Семетей” кинотеатрынын алдында жайгашканын көрүп, Чыңгыз абадан эч нерсе аябашыбыз керек  деп, айтылган сөзү да, өзү да жок болду.

Эң өкүнүчтүүсү Чыңгыз Айтматовдун Талас элинин каражатына тургузулган, жаркыраган айкелинин арткы көрүнүшү өтө начар абалда  болуп  жаткандыгы. 2013-жылдан бери “Семетей” кинотеатрын капиталдык ремонттон өткөрүү үчүн 18.0 млн. сомго түзүлгөн сметасы, акча каражаты суралып келет.

Сиздерден, быйылкы 2019-жыл “Аймактарды өнүктүрүү жана санариптештирүү жылында” “Семетей” кинотеатрын капиталдык ремонттон өткөрүү жагына чоң көңүл буруп, акча каражатын бөлүштүрүп берүүңүздөрдү суранабыз жана өтүнүчтү колдоого алат деген чоң ишеничтебиз.

Сиздерди, терең урматтоо менен

Кара-Буура районунун экс-акими Т.Наралиев жана башка жарандары.

2019-жыл 6-июль.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83