www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АУДИО - Швейцария Президент Сооронбай Жээнбековдун коррупцияга каршы ишине канаатанды

Кызгалдак Жакыпова 11-июль 2019, 10:25

Расмий кабарлар



АУДИО - Швейцария Президент Сооронбай Жээнбековдун коррупцияга каршы ишине канаатанды

«Кыргызстандын парламенттик демократияны бекемдөө боюнча алган багыты уланат», — деп баса белгиледи Кыргыз Республикасынын Президенти Сооронбай Жээнбеков кечээ, 10-июлда, Швейцариянын Берн шаарында Швейцария Конфедерациясынын федералдык жыйынынын Улуттук кеңешинин төрайымы Марина Кароббио менен болгон жолугушууда.

Мамлекет башчысы эки өлкөнүн ортосунда парламенттер аралык жетишерлик активдүү диалог бар экенин белгиледи.

Сооронбай Жээнбеков эске салгандай, Кыргызстан Европа Кеңеши жана Европа Кеңешинин Парламенттик Ассамблеясы менен алакалардын өнүгүшүнө чоң маани берет. 2014-жылдын апрелинде Кыргыз Республикасынын Жогорку Кеңешине берилген «Демократия боюнча өнөктөш» статусу Европа Кеңешинин Парламенттик Ассамблеясы менен кызматташууну өнүктүрүүдө жакшы натыйжаларды берди.

Ал ошондой эле Кыргыз Республикасы пикирлердин ар түрдүүлүгүнө, демократияга, мыйзамдын үстөмдүгүнө, адам укуктарын жана негизги эркиндиктерин сактоого негизденген европалык баалуулуктарды толук колдойт.

Маектешүүнүн жүрүшүндө Президент аймактардын жана жергиликтүү өзүн-өзү башкаруу органдарынын ийгиликтүү өнүгүүсү өлкөнүн экономикалык бакубаттуулугунун көрсөткүчтөрүнүн бири болуп саналарын баса белгиледи. Ушуга байланыштуу Кыргызстандын облустары менен Швейцариянын кантондору ортосунда бир туугандык байланыштарды өнүктүрүүгө кызыкдарлыгын билдирди.

Президент Сооронбай Жээнбеков парламенттик демократияны өнүктүрүүдө мындан ары кызматташууга даяр экенин билдирди.

Швейцария Конфедерациясынын федералдык жыйынынын Улуттук кеңешинин төрайымы Марина Кароббио Мамлекет башчысы менен өлкөлөр ортосундагы парламенттер аралык кызматташтыкты илгерилетүү маселелерин талкуулоо үчүн жеке мүмкүнчүлүккө кубанычта экенин белгиледи.

Ал демократиялык институттарды мындан ары өнүктүрүү ишинде бийликтин мыйзам чыгаруу бутагынын өзгөчө маанисин баса белгиледи.

«Кыргызстандагы, тагыраак айтканда, адам укуктарын коргоо, пикирлердин ар түрдүүлүгүн камсыз кылуу жана коррупция менен күрөшүү маселелериндеги позитивдүү тенденцияларды канааттануу менен белгилегим келет», — деп белгиледи Марина Кароббио.

Тараптар Кыргызстан менен Швейцария ортосундагы кызматташтыкты тереңдетүү максатында активдүү парламенттер аралык диалогду улантууга өз ара даяр экендиктерин билдиришти.


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83