www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АУДИО - Президент Сооронбай Жээнбеков Казакстандын Премьер-министри Аскар Мамин менен жолугушту

Кызгалдак Жакыпова 12-июль 2019, 18:10

Саясат Расмий кабарлар



АУДИО - Президент Сооронбай Жээнбеков Казакстандын Премьер-министри Аскар Мамин менен жолугушту

Кыргыз Республикасынын Президенти Сооронбай Жээнбеков бүгүн, 12-июлда, Кыргызстанга расмий визит менен келген Казакстан Республикасынын Премьер-министри Аскар Мамин менен жолугушту.

Мамлекет башчысы бул Аскар Маминдин Казакстандын Премьер-министри болгондон кийинки алгачкы расмий визити экенин белгиледи.

«Казакстан биздин негизги өнөктөштөрдүн бири. Сиздин сапарыңыздын алкагында кыргыз-казак эки тараптуу кызматташуу тууралуу кеңири ой-пикир бөлүшүп, маанилүү чечимдерди даярдоого шарт түзүлдү деп ишенем», — деп баса белгиледи Сооронбай Жээнбеков.

Ал өзгөчө белгилегендей, Кыргызстан Казакстандын Биринчи Президенти Нурсултан Назарбаевдин биздин боордош өлкөлөрүбүздүн ортосундагы кызматташууну өнүктүрүү боюнча аракеттерин жогору баалайт. Президент Касым–Жомарт Токаев менен жылуу жана ишенимдүү мамилелер түзүлдү.

«Биргелешкен аракеттер менен биз мындан ары дагы союздаштык мамилелерди жана стратегиялык өнөктөштүктү өнүктүрө беребиз. Өкмөттөр аралык кеңештин бүгүнкү жыйынында сиздер бардык маселелер боюнча чечимдерди талкуулап, кабыл алууга жакшы мүмкүнчүлүгүңөр болду деп ойлойм», — деп баса белгиледи Сооронбай Жээнбеков.

Казакстандын Премьер-министри Аскар Мамин жылуу кабыл алуу үчүн ыраазычылык билдирип, Казакстандын Биринчи Президенти Нурсултан Назарбаев жана Президенти Касым-Жомарт Токаевдин айтып жиберген эң жакшы каалоо-тилектерин билдирди.

Ал бүгүнкү Өкмөттөр аралык кеңештин жыйынында экономикалык күн тартибинде турган көпчүлүк маселелер талкууланып, өз ара пайдалуу макулдашууларга кол коюлганын белгиледи.

«Кыргызстан менен Казакстандын ортосунда соода жүгүртүү 15 пайызга өстү. Бул жылы биз соода жүгүртүүнүн көлөмүн 1 $ млрд чейин жеткирүү максатын койдук», — деп баса белгиледи Аскар Мамин.

Президент Сооронбай Жээнбеков жана Казакстандын Премьер-министри Аскар Мамин кыргыз-казак кызматташуусунун бардык актуалдуу маселелерин талкуулашты.


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83