www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Жазаларды аткаруу мамлекеттик кызматынын бейтапканасы ачылды

Кызгалдак Жакыпова 16-июль 2019, 12:35

Саясат Ден-соолук


Жазаларды аткаруу мамлекеттик кызматынын бейтапканасы ачылды

Кыргыз Республикасынын Премьер-министри Мухаммедкалый Абылгазиев Кыргыз Республикасынын Өкмөтүнө караштуу Жазаларды аткаруу мамлекеттик кызматынын бейтапкана/госпиталынын ачылыш салтанатына катышты.


Өкмөт башчы өз сөзүндө жазаларды аткаруу кызматынын бардык кызматкерлерин жана ардагерлерин, ошондой эле медициналык кызматкерлерди госпиталдын ачылышы менен куттуктап, жаңы бейтапканада сапаттуу медициналык кызматтар көрсөтүлөрүнө ишеним билдирди.

«Бүгүн укук коргоо органдарында, анын ичинде жазык-аткаруу тутумунда оңдуу өзгөрүүлөр байкалууда. Биз репрессиялык мамиледен арылып, соттолгондор үчүн бардык шарттарды түзүү үчүн, жазасын өтөп жана эркиндикке чыкканда алардын социалдашуусу үчүн сот адилеттигин гумандаштыруу багытын алдык. Бул багытта көп кадамдар жасалууда. Бирок буга карабастан, кызматкерлерди социалдык коргоо маселелери чечилбеген бойдон калууда: турак жайдын жоктугу, маянанын аздыгы жана башка маселелерди биз кадам кадамы менен чечүүгө ниеттенүүдөбүз. Нарын жана Жалал - Абад облустарында, Бишкек шаарында кызматтын кызматкерлери үчүн турак жай курулду. Мындай объекттердин ачылышы учурда тутумда оң өзгөрүүлөр жүрүп жатканын ырастайт. Бардык орун алган маселелер тууралуу биз жакшы билебиз, мен Премьер - министр катары жазаларды аткаруу тутумундагы реформаларга өзгөчө көңүл бурууга аракеттенем», – деди Мухаммедкалый Абылгазиев.

Өкмөт башчы баса белгилегендей, көз карандысыздык алган мезгилден бери жазаларды аткаруу тутумуна тийиштүү көңүл бурулбай келген.

«Жазаларды аткаруу тутуму кандайдыр бир деңгээлде мамлекеттик башкаруунун жалпы тутумунан обочолонгон деп айтууга болот. Анда иштин административдик ыкмалары эмес, расмий эмес, жарым криминалдык ыкмалары чоң мааниге ээ болуп келген. Ошону менен бирге жазаларды аткаруу мамлекеттин ички саясатынын маанилүү бөлүктөрүнүн бири болуп саналат. Мунун баары кызматкерлердин моралдык абалына таасир берген, анткени айрым адамдардын мөөнөтүнөн эрте бошотулушу чынчыл адистерди жазаларды аткаруу тутумунда болуп жаткан нерселерди жүрөгү аркылуу өткөрүүгө мажбур кылган. Бирок бүгүн сиздер көрүп тургандай, кырдаал түп-тамырынан өзгөрүп, мамлекет ак ниет кызмат үчүн бардык шарттарды түзүүгө аракет кылууда», – деди Мухаммедкалый Абылгазиев.

Өкмөт башчы эл аралык өнөктөштөргө долбоорду ишке ашыруудагы финансылык, материалдык жана консультациялык колдоосу үчүн ыраазычылык билдирди.

Андан соң Премьер-министр палаталарга жана медициналык имараттарга кирип, госпиталды жана бейтапкананы көрүп чыкты.

Маалымдама:

2019-жылы № 32 мекеменин (жатак колониясы) базасында бейтапкананы жана госпиталды ачуу чечими кабыл алынган.

Бүгүн пайдаланууга берилген объекттин имараты 1981-жылы курулган, жалпы аянты 1840 чарчы метр 3 кабаттан турат. курулуш иштеринин сметалык баасы – 17 млн 412,2 миң сом.

Кызыл Крест Эл аралык Комитети эмеректерди жана буюмдарды алууга жардам көрсөттү. БУУнун Баңгизаттар жана кылмыштуулук боюнча башкармалыгы менен кызматташуунун алкагында медициналык жабдуулар сатылып алынды.

Бейтапкана/госпиталь 15 миңге жакын бейтапка медициналык кызмат көрсөтүүгө эсептелген.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83