www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бөдөш Мамырова: “Атамбаев адам атканын мойнуна алды. Каза болгон баланын убалы уктатпасын”

Кызгалдак Жакыпова 08-август 2019, 17:10

Саясат


Бөдөш Мамырова: “Атамбаев адам атканын мойнуна алды. Каза болгон баланын убалы уктатпасын”

ММКга чыккан маалыматка караганда бул УКМКнын атайын операциясы эмес эле багынып берүү болуп калгандай. Анткени атайын даярдыктагы УКМКнын иш-чарасы мындай калпыс чалажан болбош керек болчу. Менин билишимче спец операция болгон жерде натыйжа (результат) сөзсүз түрдө болуу керек жөн эле короого кирип анан чыга албай калуу эмес. Бүтүндөй дүйнө коомчулугунун астында өтө осол иш болду. Анткени күч түзүмдөрүнүн анын ичинде УКМКнын алсыз даярдыкта экени профессионал кадрлар менен толукталбаганы ачыкталып калды. Мындай пикирин мурдагы депутат Бөдөш Мамырова билдирди.

--Бул жерде дагы бир күмөн ой жатат кандай максатты көздөп барды короого кирип чыга албай калуу жолу менен Атамбаевди күчтөндүрүү эмеспи. Анткени А.Сегизбаевдин жана башка даярдыгы бар балдардын  ошол жерде болгону көп нерседен кабар берет. Алдын-ала маалымат да жеткен болуу керек. Атамбаев тайманбай айтып атат, “мен аттым менде боевой курал бар болчу”, деп. Ошол өлгөн атайын кызматтагы жоокердин убалы уктатпасын, эки дүйнө азабын тартып өт, наадан келесоо дегенден башка айла жок. Үч айдан бери карапайым муктаж адамдар менен штаб түзүп алып, оозуна келгенди оттоп жаткан Атамбаевдин оозун жаап мыйзамдуу чара көрө албаган акыры спецоперация деп барып таяк менен ташка туруштук бере албай короодон чыга албай барымтада калган УКМК менен ИИМ үчүн кечирилгис жоопкерчиликти тарта турган  иш болду. Чукул чара көрүү керек. Жетекчиден баштап иш-чараны уюштурган жооптуу адамдардын баарына мыйзам чегинде ички эрежелеринин негизинде чара көрүп, тез арада профессионал кадрлар менен толуктоо керек. Антпесе мындай структуралар менен иштөө мамлекет үчүн өтө кооптуу. Мындай араңжан УКМК менен ИИМдин кимге кереги бар алжыган АШАга туруштук бере албай барымтада калган. Дагы бир өтө ойлондурган олуттуу нерсе Президенттин бирдиктүү иш билги командасы жок, дагы деле 70% Атамбаевдин кадрлары менен иштеп атканы күч структурасында айрыкча УКМКда дагы деле А.Сегизбаев менен Атамбаевдин таасири бар экени ачыкталып калды. Мындай кош көңүл эки анжы кадрлар менен мындан ары кантип иш алпарып мамлекеттин кызыкчылыгын элдин бүтүндүгүн сактоону ойлоно турган мезгил келип жетти, деп билдирди Бөдөш Мамырова.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83