www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Президент Сооронбай Жээнбеков: "Коомубуздун ынтымагы бекем, ыйманы таза болуп, бардык кыргызстандыктарды жакшылык жылоолоп жүрсүн!"

Кызгалдак Жакыпова 11-август 2019, 10:50

Расмий кабарлар


Президент Сооронбай Жээнбеков: "Коомубуздун ынтымагы бекем, ыйманы таза болуп, бардык кыргызстандыктарды жакшылык жылоолоп жүрсүн!"


Кыргыз Республикасынын Президенти Сооронбай Жээнбеков бүгүн, 11-августта, кыргызстандыктарды Курман Айт майрамы менен куттуктады.

Мамлекет башчысынын куттуктоосун Кыргыз Республикасынын Президентинин Аппаратынын Жетекчиси Досалы Эсеналиев Бишкек шаарынын эски аянтында Айт намаз учурунда окуду.

Куттуктоонун тексти:

"Урматтуу мекендештерим!

Кадырлуу мусулман агайын туугандарым!

Ар бириңиздерди ыйык Курман Айт майрамыңыздар менен чын жүрөгүмдөн куттуктайм!

Бүгүн – Кудай Таала  өз пенделерине ыроологон  эң улуу күндөрдүн бири.

Ушул  күнү Жер жүзүндөгү бир жарым миллиардга жакын адам жан дүйнөсүн тазалап, Жаратканга жакын болууга умтулат.

Дүйнөдө бир дагы майрам мынча көп кишинин асыл оюн, аруу тилегин,  жаркын максатын бириктире албайт.

Ошондуктан бүгүнкү Курман Айт майрамы -  жалпы пенделерди ынтымак менен биримдикке чакырган улуу майрам.

Урматтуу мекендештерим!

Жараткан Кыргызстан элине тынчтык жана ынтымак берсин.

Ар бир үйгө кут, береке, ырыскы толсун.

Тилеген тилектерибиз, асыл максаттарыбыз орундалып, Жараткан бүгүнкү курмандыктарды кабыл кылсын.

Ажылык парзын аткарып жүргөн мекендештерибиздин аруу тилектери кабыл болсун.

Коомубуздун ынтымагы бекем, ыйманы таза болуп, бардык кыргызстандыктарды жакшылык жылоолоп, ийгилик коштоп жүрсүн.

Ар дайым элибизде биримдик, жерибизде тынчтык, мамлекетибизде өнүгүү болсун!

Айтыңыздар маарек болсун!

Кыргызстаныбызды Кудайым өзү колдосун!"

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83