www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Абылгазиев Кадыржан Батыровдун жакындарын эмнеге өзүнө кеңешчи кылып алды?

Кызгалдак Жакыпова 12-август 2019, 11:00

Аналитика


Абылгазиев Кадыржан Батыровдун жакындарын эмнеге өзүнө кеңешчи кылып алды?

Абылгазиевдин жердеш байкеси Шамшыбек Медетбеков деген шумпай бар. Бул бир кезде Турсунбек Чыңгышевге жардамчы болуп, анын кыргыздын алтындарын Акаев менен биригип Швейцарияга учак менен ташуусуна  жардамын тийгизген. Ушул алтындардын эсебинен эбегейсиз байлыкка жетип, Чыңгышев экөө кытайдын “Хэнфен” банкын Кыргызстанга алып келишкен.

Кыргыздын алтынын эсебинен байыган мульти-миллионер Нарынга губернатор болуп калат. Медетбеков учурунда Кочкор районун кайсап тойбогон ач көз Кулматов Алмаз Окинович Ак-Талаага аким болуп калган, муну жандооч кылып алат. Тагдыры тайкы экен Шамшыбек Медетбеков Кочкордун бийликке каршы баш көтөргөн жигиттеринин колуна түшүп калат. Губернаторун уруп ойнойбу, муну көчүккө тээп, камап коюшат. Шамшыбек Медетбеков: “Туалетке баргым келип жатат” – деп соолуктап ыйлап жиберет. Туалетке алып барышып сыртынан көз салып турушса бул шумпайга жан керек экен, губернаторлугуна карабай терезеден секирип, дардалаңдап качып жөнөйт. Артынан жаш балдар кубалап жете албай калышат, ээликкен Шамшыбек Медетбеков ошол бойдон көздөн кайым болгон.

Кийин бул Чолпонбек Абыкеевдин “Аалам” гезитин сатып алды. Кадыржан Батыров менен коюн-колтук алышкан дос болуп, “Аалам” гезитин өзбекче  “Олим” деп чыгарып “Ватанды” даңктай баштаган. Кадыржан Батыров түзгөн “Ватан” партиясына кыргыз элине чыккынчылык кылып кирген. Балким Абылгазиев экөөнүн уйгурлар менен чалыштыгы бардыр?

Азыркы тапта Шамшыбек Медетбеков шумпай дардаңдап турган кези, ал кечээки губернатор кезинде кол алдындагы жегич акими Кулматов Алмазды Абылгазиев Мухаммедкалыйга кеңешчи кылып алган. Теңир-Тоону терип жеп келген Кулматовго таянып Шамшыбек Медетбеков чамгарактап турган кези. “Иттин өлүгү” каяктан саңырсып жыттанып жатат? Өзбекстан Абылгазиевге берген 100 миллион доллардын изи бул жакта жокпу? Эмне үчүн Абылгазиев өзбек сепаратисттерин колдогон Шамшыбек Медетбековдун жакындарын кеңешчи кылып алат?

Азизбек КЕЛДИБЕКОВ, «NazarNews.kg»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83