www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Венгрия: Эл аралык “Бабалар күнү” маданий иш-чарасы болуп өттү

Кызгалдак Жакыпова 20-август 2019, 15:55

Маданият Саясат


Венгрия: Эл аралык “Бабалар күнү”  маданий иш-чарасы болуп өттү

2019-жылдын 17-августунда Венгриянын Бугац шаарынын жанында жайгашкан Кишкуншаг Улуттук коругунун аймагында каада-салтты сактоо максатында ѳткѳрүлгѳн “Бабалар күнү” аттуу эл аралык маданий иш-чарага Кыргыз Республикасынын Венгриядагы Атайын жана Ыйгарым укуктуу Элчиси Бакыт Жусупов катышты. Иш-чарада Азербайжандын, Болгариянын, Казакстандын, Кытайдын (Уйгур), Монголиянын, Молдавиянын (Гагаузия), Ѳзбекстандын, Оруссиянын (Башкирия жана Татарстан), Турциянын жана Түркмѳнстандын делегаттары да болду.

Бул маалымат тууралуу Кыргыз Республикасынын тышкы иштер министрлигинин басма сөз кызматы билдирди.

“Бабалар күнү” – бул театралдашкан шоу-программа, улуттук музыка, археологиялык-антропологиялык кѳргѳзмѳлѳр, кол ѳнѳрчүлѳрдүн жарманкеси уюштурулган иш-чара. Азем этнофестиваль форматында ѳттү, анда кѳчмѳндѳрдүн айылын камтыган 50 боз үй тигилип, 200 миңден ашуун туристтер келди.

Кыргыз Республикасынын маданиятын даңазалоо жана туристтик мүмкүнчүлүктѳрүн жайылтуу максатында Австриядагы кыргыз диаспорасынын ѳкүлдѳрү тарабынан кыргыздын боз үйү тигилип, анын ичинде улуттук кол ѳнѳрчүлүктүн стенддери, кийизден жасалган түрдүү буюмдар, ошондой эле Кыргызстан жѳнүндѳгү иллюстрацияланган стенд, туристтик ыңгайлуулук жана Дүйнѳлүк кѳчмѳндѳр оюндары тууралуу маалыматтык материалдар кѳргѳзүлдү.

“Бабалар күнү” иш-чарасынын жүрүшүндѳ Элчи Бакыт Джусупов аталган иш-чаранын уюштуруучулары менен жана венгриялык Карпат бассейнинен келген делегаттардын ѳкүлү Андреш Жолта Биро менен жолугушуп, 2020-жылы «Курултай» аземине Кыргызстандын катышуусу тууралуу сүйлѳшүштү.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83